Philip K. Dick

Philip K. Dick
Gebore	Philip Kindred Dick (1928-12-16)16 Desember 1928 Chicago, Illinois
Sterf	2 Maart 1982 (op 53) Santa Ana, Kalifornië
Nasionaliteit	Verenigde State
Beroep	Skrywer
Bekend vir	Ubik Do Androids Dream of Electric Sheep? The Man in the High Castle A Scanner Darkly Flow My Tears, the Policeman Said VALIS-trilogie "Second Variety"
Kinders	3
Ouer(s)	Dorothy (née Kindred) en Joseph Edgar Dick
Handtekening

Dick het 44 romans in sy leeftyd gepubliseer asook ongeveer 121 kortverhale.

Gebore in Chicago, Illinois, het hy na Kalifornië toe verhuis om wetenskapfiksie te skryf in die 1950s. Sy stories het aanvanklik min kommersiële sukses behaal.

'n Verskeidenheid gewilde Hollywood-rolprente gebaseer op Dick se werke is later vervaardig, onder andere Blade Runner (1982), Total Recall (twee keer aangepas: in 1990 en in 2012), Minority Report (2002), A Scanner Darkly (2006), en The Adjustment Bureau (2011). Die roman The Man in the High Castle (1962) is in 'n televisiereeks deur Amazon gemaak, wat in 2015 begin het.

Dick was vyf keer getroud, met die volgende vroue:

• Jeanette Marlin (Mei tot November 1948)
• Kleo Apostolides (14 Junie 1950 tot 1959)
• Anne Williams Rubinstein (1 April 1959 tot Oktober 1965)
• Nancy Hackett (6 Julie 1966 tot 1972)
• Leslie "Tessa" Busby (18 April 1973 tot 1977)

Dick het drie kinders gehad, Laura Archer Dick (gebore op 25 Februarie 1960 met sy derde vrou, Anne Williams Rubenstein), Isolde Freya Dick (nou Isa Dick Hackett) (gebore op 15 Maart 1967 met sy vierde vrou, Nancy Hackett), en Christopher Kenneth Dick (gebore op 25 Julie 1973 met sy vyfde vrou, Leslie "Tessa" Busby).

Dit blyk dat hy sy derde vrou, Anne Williams Rubinstein mishandel het. Na 'n argument in 1963 het hy probeer om haar van 'n berg af te stoot, en later beweer dat sy hom probeer doodmaak het. Hy het 'n psigiater oortuig om haar onwillekeurig op te neem. Nadat hy in 1964 vir egskeiding ingedien het, verhuis hy na Oakland om by 'n aanhanger, Grania Davis, te gaan woon. Hy het kort daarna probeer selfmoord pleeg deur van die pad af te ry terwyl sy 'n passasier was.

Op 17 Februarie 1982, nadat hy 'n onderhoud voltooi het, het Dick sy terapeut gekontak, gekla van 'n gebrek aan sig, en hy is aangeraai om onmiddellik na 'n hospitaal te gaan, maar dit nie gedoen nie. Die volgende dag is hy bewusteloos gevind op die vloer van sy huis in Santa Ana, Kalifornië, nadat hy 'n beroerte gehad het. Op 25 Februarie het Dick nog 'n beroerte in die hospitaal gehad, wat tot breindood gelei het. Vyf dae later, op 2 Maart, is hy van lewensondersteuning ontkoppel en is oorlede. Na sy dood het Dick se pa, Joseph, sy seun se as na die Riverside-begraafplaas in Fort Morgan, Colorado geneem, waar hy begrawe is langs sy tweelingsuster Jane, wat as 'n baba gesterf het. Haar grafsteen is 53 jaar tevore gemaak met albei hul name daarop geskryf. Hy is oorlede vier maande voor die uitsaai van die Blade Runner-rolprent.

• Wiki Afrikaans  Wiki Commons het meer media in die kategorie Philip K. Dick.

• Philip K. Dick in die Internet-rolprentdatabasis
• Philip K. Dick by Find a Grave
• The Penultimate Truth About Philip K. Dick (dokumentêr)
• Werke deur Philip K. Dick by Project Gutenberg
• Werke deur of oor Philip K. Dick op die Internet Archive
• 13 gratis wetenskapfiksieverhale deur Philip K. Dick (teks en klank)