Moika
Die Moika (Russies: Мо́йка) is ’n klein rivier wat om die sentrale deel van Sint Petersburg, Rusland, loop en dit in werklikheid ’n eiland maak.
Die rivier, wat aanvanklik Mia genoem is, het dié naam gekry van die Ingriese woord vir "modder" of "slyk". Dit is 5 km lank en 40 m breed.
| Moika (Мо́йка) | |
|---|---|
 | |
| Monding | Groot-Newarivier in die Golf van Finland |
| Stroomgebied | Sint Petersburg, Rusland |
| Lengte | 4,7 km |
Die rivier vloei van die Fontanka naby die Somertuin verby die Marsveld oor Nefski-prospekt en die Krjoekof-kanaal tot in die Newarivier. In 1711 het Pieter die Grote gelas dat die rivier versterk word. Nadat die Krjoekof-kanaal dit met die Fontanka verbind het, het die water so helder geword dat die naam verander is van Mia na die huidige Moika, wat vebind word met die Russiese woord vir "om te was".
Vier brûe het aanvanklik oor die Moika geloop: die Blou, Groen, Geel en Rooi brug. Die Blou Brug van 99 m breed, wat nou skaars gesien kan word onder Sint Isak-plein, is steeds die breedste brug in die stad. Daar is tans 15 brûe.
Van die weelderige 18de-eeuse geboue aan die oewer sluit in die Stroganof-, Razoemofski- en Moika-paleis, die Nieu-Holland-boog, Ronde Mark en Aleksander Poesjkin-museum.
Verwysings
- Канн П. Я. Прогулки по Петербургу: Вдоль Мойки, Фонтанки, Садовой. Sint Petersburg, 1994 (ru)
- Wiki Afrikaans
Wiki Commons het meer media in die kategorie Moika. 
Hierdie artikel is vertaal uit die Engelse Wiki
This article uses material from the Wikipedia Afrikaans article Moika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.