Messier 13 of M13 (ook bekend as NGC 6205 of die Groot Bolvormige Sterreswerm in Hercules) is ’n bolswerm van sowat 300 000 sterre in die sterrebeeld Hercules.
Dit is in 1714 deur Edmond Halley ontdek en in 1764 deur Charles Messier in sy Messier-katalogus opgeneem.
Messier 13 | |
---|---|
Die kern van Messier 13 soos afgeneem deur die Hubble-ruimteteleskoop. (Bron: ESA/Hubble en Nasa) | |
Soort | Bolswerm |
Sterrebeeld | Hercules |
Regte klimming | 16h 41m 41,21s |
Deklinasie | +36º 27' 35,5" |
Afstand | 22 200 ligjare (6 800 parsek) |
Skynbare magnitude | 5,8 mag |
Skynbare grootte (v) | 20 boogminute |
Radius | 84 ligjare |
Ander name | NGC 6205, Groot Bolvormige Sterreswerm in Hercules |
Met ’n skynbare magnitude van 5,8 is dit op ’n donker nag skaars met die blote oog sigbaar. Dit het ’n deursnee van sowat 145 ligjare. Die helderste ster in die swerm, wat sowat 25 100 ligjare van die Aarde af is, is die veranderlike ster V11 met ’n magnitude van 11,95.
Die Arecibo-boodskap van 1974, wat bedoel was om die bestaan van menslike lewe aan hipotetiese buiteruimtelike wesens oor te dra, is na M13 uitgestuur. Daar is gereken dat die moontlikheid van lewe daar groter is omdat die sterbevolking daar so dig is. M13 sal egter nie meer in daardie posisie wees as die boodskap dié deel van die ruimte bereik nie. Die stuur van die boodskap was ’n tegnologiese demonstrasie eerder as ’n werklike poging om met intelligente lewe kontak te maak.
This article uses material from the Wikipedia Afrikaans article Messier 13, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.