Manie Van Der Schijff Botaniese Tuin
Die Manie van der Schijff Botaniese Tuin is in 1934 gevestig en word deur die Universiteit van Pretoria onderhou en bestuur.
Alhoewel die tuin aanvanklik gevestig is vir navorsing en die bewaring van inheemse plante, is dit ook vir die algemene publiek oop.
Reeds in 1924 is enkele bruidsbossoorte vir navorsingsdoeleindes op die kampus aangeplant. In die 1930's was Berend Elbrecht se entoesiasme en passie vir Suider-Afrikaanse flora egter die dryfveer vir die aanplanting van ’n aantal bome en broodbome tydens sy dienstermyn. In 1986 is die bydraes van Manie van der Schijff vereer deur die tuin na hom te vernoem. Die inhoud en aktiwiteite van die tuin word deur ’n komitee bepaal en uitgevoer. Sowat 4 000 plantspesies en kultivars is op sowat 3,5 ha van die weskampus te vinde.
Gestelde doelwitte van die tuin sluit in bewusmaking van Suider-Afrikaanse flora deur die opbou en verspreiding van botaniese kennis, die verskaffing van plantmateriaal vir opvoeding en navorsing, die versameling en kweking van skaars spesies en navorsing oor Suider-Afrikaanse plantsoorte wat tuinboukundige potensiaal inhou.
Kyk ook
Verwysings
Eksterne skakels
- Wiki Afrikaans
Wiki Commons het meer media in die kategorie Manie van der Schijff Botaniese Tuin.
28°13′44″E / 25.75194°S 28.22889°O
This article uses material from the Wikipedia Afrikaans article Manie van der Schijff Botaniese Tuin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.