KY Cygni is ’n rooisuperreus van spektraaltipe M3.5Ia in die sterrebeeld Swaan.
Dit is een van die grootste sterre bekend, met ’n geraamde radius van 1 420 R☉ (sonradiusse). Dit is ook een van die helderstes: sowat 300 000 of meer keer so helder as die Son. Dit is sowat 5 000 ligjare van die Aarde af.
KY Cygni | ||||
KY Cygni se grootte in vergelyking met dié van Betelgeuse. | ||||
Sterrebeeld | Swaan | |||
Spektraaltipe | M3-4I (M3,5Ia) | |||
Waarnemingsdata (Epog J2000) | ||||
Regte klimming | 20h 25m 58.05s | |||
Deklinasie | +38° 21′ 07.6″ | |||
Skynmagnitude (m) | 11,14 (10,60 – 11,74) | |||
Absolute magnitude (M) | -8,18 | |||
B-V-kleurindeks | 3,39 | |||
U-B-kleurindeks | 2,91 | |||
Besonderhede | ||||
Radius (R☉) | 1 420 (2 850?) | |||
Ligsterkte (L☉) | 138 000 - 270 000 | |||
Temperatuur (K) | 3 500 | |||
Afstand (ligjaar) | ~5 000 | |||
Eienskappe | ||||
Veranderlikheid | Stadig, onreëlmatig | |||
Ander name | ||||
KY Cyg, GSC 03152-01140, IRAS 20241+3811, IRC+40415, TYC 3152-1140-1, RAFGL 2575, UCAC2 45230193, 2MASS J20255805+3821076 | ||||
|
KY Cyg lê naby die helder oop sterreswerm NGC 6913, maar behoort waarskynlik nie daartoe nie. Sy ligging is naby dié van die helder ster γ Cygni. Dit is in 1930 as ’n veranderlike ster geïdentifiseer en hernoem tot KY Cygni (sien Benaming van veranderlike sterre). Die spektraaltipe is vasgestel op M3Ia, met klein aanpassings sedertdien.
Die ster is baie rooi omdat dit sowat 7,75 magnitudes teen sigbare golflengtes verloor.
KY Cygni is ’n groot, helder superreus met ’n sterk sterwind. Dit verloor massa teen ’n enorme tempo, hoër as die meeste ander rooisuperreuse, en word soms beskryf as ’n koel hiperreus. Sy eienskappe is onseker, maar sy temperatuur is sowat 3 500 K en sy ligsterkte meer as 100 000 L☉.
KY Cygni is ’n veranderlike ster, maar met geen duidelike periodisiteit nie. Soms wissel dit vinnig, en ander kere is dit vir lang tye taamlik konstant.
This article uses material from the Wikipedia Afrikaans article KY Cygni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.