Driekolkurper
Die Driekolkurper (Oreochromis andersonii) is 'n varswatervis wat in die boonste gedeelte van die Zambezirivier, die Kunenerivier, die Okavangorivier en Kafuerivier voorkom.
In Engels staan die vis bekend as die Threespot tilapia.
| Driekolkurper | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | Pseudocrenilabrinae |
| Genus: | (Günther, 1889) |
| Spesie: | O. andersonii |
| Binomiale naam | |
| Oreochromis andersonii (Castelnau, 1861) | |
| Sinonieme | |
| |
Voorkoms
Die onvolwasse vis is silwerig met 8-9 onreëlmatige dun strepe op die lyf en daar is 3-4 kolle in die middel van die lyf. Die volwasse visse is blougrys en die skubbe se rante is lig wat die vis 'n blokkiesvoorkoms gee. Die vinne is ook blougrys en daar is kolletjies op die sagte deel van die dorsale- en analevinne. Die rante van die dorsale- en analevinne is helderrooi.
Broeiende mannetjies is blouswart met 'n silwerige blokkiesvorm en 'n rooi skynsel op die bokant van die kop. Die buiterante van die dorsale- en stertvin is helderrooi.
Die vis word tot 50 cm lank en kan tot 3.2 kg weeg. Die Suid-Afrikaanse hengelrekord is 1.97 kg en die Zimbabwe-rekord is 3.09 kg.
Habitat
Die vis is gehard en leef in vars en brakwater maar verkies stadigvloeiende water of staande water soos in poele en vloedvlaktes. Die volwasse visse leef in dieper water terwyl die onvolwasse visse langs die oewers bly tussen die plantegroei. Hulle vreet detritus, diatome en soöplankton. Die mannetjies maak 'n groot pieringvormige nes en die wyfie mondbroei die eiers en larwes. Die vis kan meer as een keer broei gedurende die warm maande. Die vis word ook gebruik in akwakultuur.
Sien ook
| Wiki Commons bevat media in verband met Oreochromis andersonii. |
Eksterne skakel
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
Verwysings
This article uses material from the Wikipedia Afrikaans article Driekolkurper, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.