Christo Compion
Christo Compion is ’n Suid-Afrikaanse toneelspeler en draaiboekskrywer.
Hy het drama aan die Universiteit van Kaapstad gestudeer en daarna vir die destydse Swaruk (Suidwes-Afrikaanse Raad vir die Uitvoerende Kunste) en Sukovs (Streeksraad vir die Uitvoerende Kunste van die Oranje-Vrystaat) gewerk, onder meer as verhoogbestuurder vir Cobus Rossouw en Sandra Kotzé.
| Christo Compion | |
| Nasionaliteit | Suid-Afrika |
|---|---|
| Beroep(e) | Verhoogakteur, draaiboekskrywer |
| Internet-rolprentdatabasis-profiel | |
Hy het in verhoogproduksies soos Die Goue Kring (1976), Die Goeie Mens van Sezuan (1976) en die Twaalfde Nag (1984) gespeel. In Harold en Maude (1986), wat onder regie van Hannes Horne in Windhoek en verskeie sentra in Suid-Afrika aangebied is, het hy meegespeel om die tagtigste verjaardag van Anna Neethling-Pohl te herdenk. In 1990 is hy as voltydse akteur by Sukovs aangestel, waar hy uitgeblink het as Claire in Jean Genet se Diensmeisies (1991; verwerk deur Wim Vorster) en in die titelrol van Reza de Wet se Nag, Generaal (1991) onder spelleiding van Ernst Eloff.
Hy het ook die draaiboeke van Susanna van Biljon en Egoli: Afrikaners is plesierig geskryf.
Verwysings
Eksterne skakels
This article uses material from the Wikipedia Afrikaans article Christo Compion, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.