Die Langeberg-rankaalwyn (Aloiampelos decumbens), voorheen Aloe decumbens, is 'n rankaalwyn wat endemies is aan die Wes-Kaap, in die Riversdalomgewing.
Hier groei dit saam met fynbos op sandsteenkranse en steil hange van die Langeberg op hoogtes van 500 tot 1 000m. Hierdie plant blom regdeur die jaar. Die blomme is helderrooi en silindries en word tot 33 mm lank.
Langeberg-rankaalwyn | |
---|---|
Wetenskaplike klassifikasie | |
Domein: | Eukaryota |
Koninkryk: | Plantae |
Klade: | Tracheofiete |
Klade: | Angiospermae |
Klade: | Eensaadlobbiges |
Orde: | Asparagales |
Familie: | Asphodelaceae |
Subfamilie: | Asphodeloideae |
Genus: | Aloiampelos |
Spesie: | A. decumbens |
Binomiale naam | |
Aloiampelos decumbens (Reynolds) Klopper & Gideon F.Sm., 2013 | |
Verspreiding van rankaalwyne in Suid-Afrika | |
Sinonieme | |
|
Die plant is 'n struik wat tot 75 cm hoog word en het dun stamme wat na 'n brand uit 'n dik houtagtige knol groei. Die stamme kan tot 1 m lank word en lê eerder op die grond as om regop te staan. Dit is houtagtig by die basis. Dit word ook dig bedek met blare; die blare is heldegroen met dowwe strepe op. Daar is klein, wit, skadelose tande van sowat 1 op die blaarrande. Die plant is naverwant aan Aloiampelos gracilis.
Die plant word maklik gekweek in die fynbosstreek. Dit kan met stingelsteggies verbeter gekweek word maar moet in die winter teen ryp beskerm word en in die somer droog gehou word.
This article uses material from the Wikipedia Afrikaans article Langeberg-rankaalwyn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.