მუნაფა
მუნაფეფი — ატმოსფეროს წყარიშ ორქილიშ კონდენსაციაშ პროდუქტეფიშ (მიარე წყარიშ ჭვათიშ ვარდა ჸინიშ ჭიფე კრისტალეფიშ ვარდა ჟირხოლოს ართო) გვართა.
ათეჯგურა გვართაშ დიხაშ ჟინპიჯის ნირსი ჯოხო. მუნაფა შანულამი ტაროსიშ მაქიმინალი ფაქტორი რე, ანჯას არზენს ციმუეფიშ მოულას დო ჯერს, გაბლა უღუ დიხაუჩაშ დო ატმოსფერულ სიტიბურ ჯარს დო თ.უ. ატმოსფერული წყარიშ ორქილიშ უდიდაში ნორთი მოხვალამირი რე ტროპოსფეროს, ათეშენ თაქი შხვადოშხვა სიმაღალას ბხვადუნა შხვადოშხვა ფორმაშ მუნაფეფიშ უმოსობა. მინი მუნაფა (ფსუა დო აგვართა-ჭვემაშ) სტრატოსფეროსჷთ ინაჭირინუანს.
ხოლო, სტრატოსფეროს ირსხუაფუ სადაფისეფჯგჷრა მუნაფეფი (აკანო 25-30 კმ სიმაღალას), მეზოსფეროს — ვარჩხილიშფერი მუნაფეფი (აკანო 80 კმ სიმაღალას).
მუნაფეფი ირსხუაფუ თიშ უკული, მუთი მიოზიმაფალი ლეჟერი ჰავა ძინულენს. თინას ოკათუ წყარიშ ჭვეთეფიშე, ჸინიშ კრისტალეფიშ ვარდა წყარიშ ჭვათეფიშ დო კრისტალური ჸინეფიშ აკოკათელეფშე. მიშაწყორილი მუნაფეფი რჩქინდუ თიმწკჷმა, მუჟამსჷთ მუნაფეფიშ ტემპერატურა 0 °C-ს ნარკები რე.
მუნაფეფი ტროპოსფეროს მიოგორუანა. ოშინალი რე ვარჩხილიშფერი მუნაფეფი, ნამჷთ საიასაღო ატმოსფერული მოლინა დო ხოლო დიხაუჩაშ ატმოსფეროს ჸოფიერი არძაშე მაღალო დვალირი მუნაფა რე.
გალენი ღანკეფიშ დო სიმაღალეშ მეჯინათ მეტეოროლოგიას გიშირთუაფუ მუნაფეფიშ მუსხირენ კლასიფიკაცია:
- მაღალი მუნაფეფი, ნამუეფით დიხაუჩაშ ჟინპიჯიშე 13-5 კმ-ს გოსიმაფილი რენა ჯოხონა — ბურდღაჯგჷრა მუნაფეფი, ფა მუნაფეფი დო ბუნდღაჯგჷრა ფამი მუნაფეფი;
- ოშქაშე სიმაღალას დვალირი (7-2 კმ-შა) მუნაფეფს — მაღალ-გვართა დო მაღალ-ფამი მუნანფეფს უძახუნა;
- დაბალი მუნაფეფი (2-0 კმ-შა) — ფა-გვართაშ, ფაშ დო ფა-ჭვემამი მუნაფეფიშ სახელით რე ჩინებული.
გვართა-ჭვემაშ მუნაფეფი ჯოხო თიჯგჷრა მუნაფეფს, ნამჷთ არძა ჟიმოლე შინელი ღოზის რე გოსიმაფილი.
რესურსეფი ინტერნეტის
შეგილებუნა ქოძირათ მედიაფაილეფი თემაშე „მუნაფა“ ვიკიოწკარუეს.- მუნაფეფი – ენციკლოპედია ბრიტანიკა (ინგლისური)
- მუნაფეფი – ინფორმაცია (ინგლისური)
- მუნაფეფი – ინფორმაცია Archived 2012-05-25 ვებ-ხასჷლას Wayback Machine. (გერმანული)
- მუნაფეფი – ინფორმაცია (გერმანული)
ლიტერატურა
- Физика облаков, под ред. А. Х. Хргиана, Л., 1961;
- Шметер С. М., Физика конвективных облаков, Л., 1972;
- Mason В. J., The physics of clouds, Oxf., 1957;
- Proceedings of the International conference on cloud physics, Toronto, August, 1968, Toronto, 1968.
This article uses material from the Wikipedia მარგალური (Margaluri) article მუნაფა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.