გიორგი შენგელაია

11 მესი, 1937, მოსკოვი — ღ. 17 ფურთუთა, 2020, ქართი) — ქორთუ არტისტი, კინორეჟისორი დო სცენარისტი. რუსთაველიშ პრემიაშ ლაურეატი, საქორთუოშ ოკათე არტისტი. რეჟისორ ელდარ შენგელაიაშ ჯიმა.

გიორგი შენგელაიას ნათებუ აფუ ომორსხუე კინემატოგრაფიაშ ინსტიტუტიშ ორეჟისორე ფაკულტეტი. 1962 წანქშე მუშენდჷ კინოსტუდია „ქართულ ფილმს“. მაართა ფილმი „ალავერდობა” (1963) გინიღჷ გურამ რჩეულიშვილიშ კინ თე ჯოხოდვალაშ ნოველაშ გეხ. ფილმს შენგელაიაქ გიმოხანტჷ შურიელო ამაღალაფირი ახალნორდი გერგეზიშ პროტესტი უგუჯინუ ტრადიციეფიშოთ. 1969 წანას გინიღჷ ფილმი „ფიროსმანი“ ხანტუ ნიკო ფიროსმანიშ გეშა. შენგელაიაქ ქორთული კინო გადინდარჷ ერუანულ მასალას აკოქიმინელი პოპულარული ჟანრეფჷთ. თის ორხველჷ ვესტერნი „მაცი ხვიტია” (1966), მიუზიკლი „ვერაშ განობაშ მელოდიეფი“ დო ოდუდგინალე ფილმი „ხარება დო გოგია” (1987).

• 1962 - ალავერდობა
• 1965 - ჯილდო
• 1966 - მაცი ხვიტია
• 1969 - ფიროსმანი
• 1973 - ვერაშ განობაშ მელოდიეფი
• 1976 - ქვიშეფო ქჷდოსქიდუნა
• 1980 - ჸოროფა არძას ოკო
• 1984 - ახალნორდი კომპოზიტორიშ შარალუა
• 1987 - ხარება დო გოგია
• 1996 - ორფეოსიშ ღურა
• 2000 - ჸოროფა ობინეხეს
• 2005 - მიშუ მახინწალი

მეღებული აფუ მოლენკავკაციაშ დო უკრაინაშ რესპუბლიკაშ კინოფესტივალიშ დიპლომი (1966), ბერგამოშ (იტალია) მა–10 ოერეფოშქაშე კინოფესტივალიშ პრიზი "დრაკონი" დო ფიპრეისიშ დიპლომი (1966), ჩიკაგოშ მა–10 ოერეფოშქაშე კინოფესტივალიშ დიდი პრიზი „ორქოშ იუგო“ (1974), დიდი ბრიტანეთიშ კინოსტუდიაშ პრემია (1973), აზოლაშ ოერეფოშქაშე კინოფესტივალიშ მაართა პრემია (1974), ფინეთიშ ხელუანობაშ აკადემიაშ პრიზი (1975), კინოხელუანობაშ მეშქაშობეფით ესთეტიკური რდუალაშ პრობლემეფიშოთ მენძღვიაფილი სიმპოზიუმიშ შინელი დიპლომი (ერევანი, 1977), ოკათე მეურნობაშ მეჭირინაფეფიშ ომორსხუე გჷმოფინუაშ ძიმძიმიშ მენდალი (1980). შოთა რუსთაველიშ ჯოხოდვალაშ პრემია (1985) დო შხვა პრიზეფი.

გიორგი შენგელაიაქ 2020 წანაშ 17 ფურთუთას, 82 წანაშ ხანს დოღურჷ.

• გიორგი შენგელაია Archived 2012-03-12 ვებ-ხასჷლას Wayback Machine. ერუანულ ფილმოგრაფიას
• (ინგლისური) Georgiy Shengelaya — კინოფილმეფიშ ინტერნეტ მუნაჩემეფიშ ბაზას
• გიორგი შენგელაია, ფოტოგალერეა
• გიორგი შენგელაია - 70, რადიო დუდიშულა