ელდარ შენგელაია
ელდარ შენგელაია (დ.
26 ღურთუთა, 1933, ქართი) — ქორთუ კინორეჟისორი, რეჟისორი ფილმეფიშ: „ვარჩქვანელობური გუმოფინუა“, „ჭურჭეფი“, „სამანიშვილიშ დიდაჸონერი“ დო „ცაშფერი გვალეფი, ანუ უდუჯერებელი ამბე“.
| ელდარ შენგელაია | |
 ელდარ შენგელაია 2004 წანას | |
| დაბადებაშ აბანი | ქართი, საქორთუოშ სსრ, სსრრ |
| დებადჷ | 26 ღურთუთა, 1933 |
| საქვარუა | კინორეჟისორი |
| აკოქიმინჯალაშ წანეფი | 1957-1996 |
| ალმასქუ(ეფი) | არიადნა შენგელაია (1957-1980) |
| მასქერეფი | მუმა:ნიკოლოზ შენგელაია ნანა: ნატო ვაჩნაძე |
ბიოგრაფია
კინორეჟისორქ უმაღალაში გონათუა მიღჷ კინემატოგრაფიაშ ომორსხუ სახენწჷფო ინსტიტუტის, მოსკოვს. 1957—59 წანეფს მუშენდჷ კინოსტუდია „მოსფილმს“. 1960 წანაშე გეგნორთჷ კინოსტუდია „ქორთულ ფილმშა“. მუშ ოდებიუტე ფილმი თიქ გინიღჷ თამაზ მელიავაწკჷმა ართო 1963 წანას. „ჩე ქერვანი” ჭყიშეფიშ რინაშ სირთულას ეთმეჭარჷნს. შენგელაიაშ გეჸვენჯი ნახანდი რდჷ დავით კლდიაშვილიშ მოთხობელუაშ „მიქელაშ“ ეკრანიზაცია (1964 წ.) მოგვიანაფათ, 1977 წანას თიქ კინ დართჷ კლდიაშვილიშ ნახანდას დო გჷნიღჷ „სამანიშვილიშ დიდაჸონერი“ (1977 წ.) შენგელაიაა ჯოხო გიოთჷ დრამატურგ რეზო გაბრიაძეწკჷმა წოროხანდათ. თინეფქ ართო აკოქიმინეს კომედიური ფილმეფი „ვარჩქვანელობური გუმოფინუა“ (1968 წ.) დო „ჭურჭეფი“ (1973 წ.)
პოლიტიკა
1990 წანაშე შენგელაიაქ პოლიტიკას ქაკათჷ, გჷნირთჷ საქორთუოშ უჟინაშ სხუნუშ დეპუტატო. შენგელაია რდჷ 1992, 1995, 1999 დო 2004 წანეფიშ მოჭანუეფიშ საქორთუოშ პარლამენტიშ მაკათური.
ფილმოგრაფია
- 1957 — ლეგენდა ჸინიშ გურიშ გეშა
- 1959 — თირიშ არიკი
- 1964 — ჩე ქერვანი
- 1965 — მიქელა (ნოველა კინოალმანახშე "ულირიშ ფურცელეფი")
- 1968 — ვარჩქვანელობური გუმოფინუა
- 1974 — ჭურჭეფი
- 1978 — სამანიშვილიშ დიდაჸონერი
- 1984 — ცაშფერი გვალეფი ანუ უდუჯერებელი ამბე
- 1993 — ექსპრეს-ინფორმაცია
- 1996 — Dog Rose
ჯილდოეფი
რესურსეფი ინტერნეტის
This article uses material from the Wikipedia მარგალური (Margaluri) article ელდარ შენგელაია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.