ელდარ შენგელაია

26 ღურთუთა, 1933, ქართი) — ქორთუ კინორეჟისორი, რეჟისორი ფილმეფიშ: „ვარჩქვანელობური გუმოფინუა“, „ჭურჭეფი“, „სამანიშვილიშ დიდაჸონერი“ დო „ცაშფერი გვალეფი, ანუ უდუჯერებელი ამბე“.

ელდარ შენგელაია
ელდარ შენგელაია 2004 წანას
დაბადებაშ აბანი	ქართი, საქორთუოშ სსრ, სსრრ
დებადჷ	26 ღურთუთა, 1933 (1933-01-26) (91 წანერი)
საქვარუა	კინორეჟისორი
აკოქიმინჯალაშ წანეფი	1957-1996
ალმასქუ(ეფი)	არიადნა შენგელაია (1957-1980)
მასქერეფი	მუმა:ნიკოლოზ შენგელაია ნანა: ნატო ვაჩნაძე

კინორეჟისორქ უმაღალაში გონათუა მიღჷ კინემატოგრაფიაშ ომორსხუ სახენწჷფო ინსტიტუტის, მოსკოვს. 1957—59 წანეფს მუშენდჷ კინოსტუდია „მოსფილმს“. 1960 წანაშე გეგნორთჷ კინოსტუდია „ქორთულ ფილმშა“. მუშ ოდებიუტე ფილმი თიქ გინიღჷ თამაზ მელიავაწკჷმა ართო 1963 წანას. „ჩე ქერვანი” ჭყიშეფიშ რინაშ სირთულას ეთმეჭარჷნს. შენგელაიაშ გეჸვენჯი ნახანდი რდჷ დავით კლდიაშვილიშ მოთხობელუაშ „მიქელაშ“ ეკრანიზაცია (1964 წ.) მოგვიანაფათ, 1977 წანას თიქ კინ დართჷ კლდიაშვილიშ ნახანდას დო გჷნიღჷ „სამანიშვილიშ დიდაჸონერი“ (1977 წ.) შენგელაიაა ჯოხო გიოთჷ დრამატურგ რეზო გაბრიაძეწკჷმა წოროხანდათ. თინეფქ ართო აკოქიმინეს კომედიური ფილმეფი „ვარჩქვანელობური გუმოფინუა“ (1968 წ.) დო „ჭურჭეფი“ (1973 წ.)

1990 წანაშე შენგელაიაქ პოლიტიკას ქაკათჷ, გჷნირთჷ საქორთუოშ უჟინაშ სხუნუშ დეპუტატო. შენგელაია რდჷ 1992, 1995, 1999 დო 2004 წანეფიშ მოჭანუეფიშ საქორთუოშ პარლამენტიშ მაკათური.

• 1957 — ლეგენდა ჸინიშ გურიშ გეშა
• 1959 — თირიშ არიკი
• 1964 — ჩე ქერვანი
• 1965 — მიქელა (ნოველა კინოალმანახშე "ულირიშ ფურცელეფი")
• 1968 — ვარჩქვანელობური გუმოფინუა
• 1974 — ჭურჭეფი
• 1978 — სამანიშვილიშ დიდაჸონერი
• 1984 — ცაშფერი გვალეფი ანუ უდუჯერებელი ამბე
• 1993 — ექსპრეს-ინფორმაცია
• 1996 — Dog Rose

• სხუნუეფიშ რსხუშ ოკათე არტისტი — 1988
• საქორთუოშ ოკათე არტისტი
• სსრრ-იშ სახენწჷფო პრემია (1985 წ.)

• ელდარ შენგელაიაშ ხასჷლა ქორთული კინოშ მუნაჩემეფიშ ბაზას. Archived 2016-04-19 ვებ-ხასჷლას Wayback Machine.
• ელდარ შენგელაიაშ ხასჷლა პარლამენტიშ გებ-ხასჷლას.
• ელდარ შენგელაიაშ ნახანდაშ გინოჯინა (რუს.)