ჸილოშტყებამი: შოთა რუსთაველიშ პოემა

პოემა ირთუ პროლოგო (დაჭყაფური), თარი ანბეთ დო ეპილოგო (დათებუ). დაჭყაფურს იჩიებუ პოეზიაშენ დო ჸოროფაშენ, დო თაქ პოეტი რაგადანს მუშ დუდიშენ:

• მე რუსთველი ხელობითა ... (მარგალურო: მა რუსთველი ხელუათუ...)
• დავჯე, რუსთველმან გავლექსე... (მარგალურო: მა რუსთველქჷ, თიში ანბე ბლექსე...)

პროლოგიშ ართი თიაქ (ესე ამბავი სპარსული... მარგ.: ათე ანბე სპარსული...) ორჩანუა გარჩქინჷ პოემაშ ორიგინალობაშენ, მარა სპარსული ნინაშ ჯგირი მარჩქენჯი - ვახტანგ მა-6 ნორაგადუე: „სპარსეთის ათერიგი ანბე შუროთ ვა ჸოფენია.“

პოემა 800 წანაშ მალობას ქორთუეფიშ თარი ოკითხირალი რდჷ. დოსქილადირი რე პოემაშ ხეშნაჭარაშ ტექსტეფი XVII ოშწანურაშ დაჭყაფუშე დო ბრელი შხვადოშხვანერი რედაქციათ. თეშ გურშენ დუდი ტექსტიშ აკონწყუალა ძნელი საქვარი რდჷ დო ბრელი ჯოხოშინელი ქორთუ მენცარს აფუ ხე მუნათხუმა. ამდღარდღაშო ასეიან ტექსტოლოგიური მეთოდეფით „ჸილოშტყებამიშ“ დუდტექსტი ენწყილიე.

პოემაშ მუსხირენი მარგალური ნათანგა რე: 40-იან წანეფს კაკა ჟვანიაშ დო უკულიანი გედევან შანავაშ, თაშნეშე ბეჯითი (ბენედიქტე) ჯალაღონიაშ ართ-ართი საუჯგუშო ნათანგა.

თანგუაშ სამანგი

• ჸილოშტყებამი; ტექსტი ქორთულ, რუსული, ფრანგულ დო ინგლისური ნინეფშა.
• ჸილოშტყებამი; ტექსტი ქორთული ნინაშა. Archived 2007-02-26 ვებ-ხასჷლას Wayback Machine.
• შოთა რუსთაველი დო ჸილოშტყებამი, ხეშნაჭარეფიშ ერუანული ცენტრიშ პროექტი^{[ღურელი რსხილი]}
• [1]