Къат-джангурлу булутла, неда Nimbostratus (Ns): боз бетли булут джыджымды. Тохтаусуз джаугъан, джауумну да асламысы джерге джетген джангур неда къар келтиреди. Кюнню джарыгъы ётелмезча бир къалынлыгъы болады. Кёбюсюне бу «джыджымны» тюбюнде къалау булутла боладыла, къат-джангурлу булутла бла бирлеширге да боладыла.
Къат-джангурлу булутланы белгиси
Къат-джангурлу булутла
Алаша булутла
Къат-къалау булутла, неда Stratocumulus (Sc): Боз неда акъсылдым, неда боз бла аксылдым кесекледен къуралгъан, джабыу неда джыджым кёрюнюмлю, къаралдым кесеклери болгъан булутладыла. Мозаика кибик, сыйыдам къатладан, пластиналадан къуралады. Ичи асламысы бла суу тамчыладанды. Къатны къалынлыгъы 200—800 м. Кюн бла айны джарыгъы къуру ингичге къыйырларындан болмаса ётелмейди. Джауум асламысы бла тюшмейди, неда тюшген джауум джерге джетмей кебиб, тылпыу болуб чыгъады.
Къат-къалау булутла
Къат булутла, неда Stratus (St): асламысы бла бир шекилли, тубаннга ушаша, алай а мийикде болгъан булутду. Ала бютеу кёк джюзню джабадыла, бир-бирледе кесек кесек болургъа да боладыла. Бу булутланы тёбен чеклери бек энишге тюшерге да болады, ол заманда ала джерни юсюндеги тубаннга къошулуб да къалыучандыла. Къалынлыкълары алай уллу тюлдю талай джюз метрге дери.
This article uses material from the Wikipedia Къарачай-Малкъар (Qarachay-Malqar) article Булут, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.