Tangawizi

Umbo la tangawizi ni kama lile la mzizi wa manjano na yote miwili hutumika kama viungo katika chakula.

Tangawizi huwa na utomvu wenye mafuta na kampaundi zinazofanya ukali wake. Utafiti wa kisasa umegundua tangawizi inaweza kusaidia katika matatizo ya utumbo na kuzuia kutapika.

Tangawizi inatazamiwa kupunguza maumivu ya viungo vilivyoathiriwa na rumatizimu na homa ya baridi yabisi (arthritis),.

Katika elimu ya tiba ya kale tangawizi ilitazamiwa kuwa na tabia nyingi za kujenga afya, lakini matokeo mengi yanayodaiwa mwilini hayajathibitishwa kisayansi:

Imedaiwa kuwa na uwezo ufuatao wa kitiba:

• kuondoa sumu mwilini,
• kuua bakteria wa aina nyingi mwilini, hata salmonella,
• kuondoa uvimbe mwilini,
• kuondoa msongamano mapafuni.

Tangawizi inayo ‘zingibain’ ambayo huua vimelea mbalimbali vya magonjwa pamoja na mayai yake,

• kuondoa maumivu ya koo,
• kuua virusi vya homa,
• kuondoa maumivu mbalimbali mwilini,
• kuondoa homa, hata homa ya baridi (chills),
• kutibu saratani mbalimbali, pamoja na ya tezi dume,
• kuzuia kuongezeka kwa seli za kansa ya kongosho,
• kuongeza msukumo wa damu,
• kusaidia kuzuia shambulio la moyo,
• kuzuia damu kuganda,
• kushusha kolesto,
• kusafisha damu,
• kusaidia watu wenye kukakamaa kwa mishipa,
• kutibu shinikizo la juu la damu,
• kusafisha utumbo mpana,
• kupunguza mishtuko kwenye utumbo mpana na tumbo kuunguruma,
• kuondoa kwa urahisi gesi tumboni,
• kusaidia mfumo wa mmeng'enyo wa chakula,
• kuzuia kutapika,
• kusaidia hata wale wanaosafiri baharini wasipatwe na kichefuchefu,
• kuondoa maumivu kutokana na mkao mmoja wa muda mrefu ama wa kusimama au wa kukaa,
• kuzuia kuharisha,
• kusaidia mfumo wa upumuaji na kutuliza dalili za pumu,
• kutibu tatizo la miguu kuwaka moto,
• kutibu homa ya kichwa,
• kupunguza maumivu ya tumbo wakati wa hedhi,
• kutibu homa za asubuhi hata kwa mama mjamzito,
• kuimarisha afya ya figo,
• kusaidia kupunguza uchovu unaotokana na matibabu ya mionzi