Ks Dinamo
FC Dinamo është një klub fubollistik shqiptar nga Tirana i themeluar më 19 qershor 1950.
Nga viti 1995 deri më 1997 klubi ishte i njohur me emrin Olimpik. Skuadra zhvillon ndeshjet mikpritëse në stadiumin "Selman Stërmasi" në Tiranë, i cili ka një kapacitet prej 12000 vendesh.
| Themeluar | 1950 | ||
|---|---|---|---|
| Stadiumi | Stadiumi "Selman Stërmasi" | ||
| Kapaciteti | 10.000 | ||
| Pronari | Adrian Bardhi | ||
| Trajneri | Nevil Dede | ||
| Liga | Kategoria Superiore | ||
| 2022/23 | 2., Kategoria e Pare | ||
| Faqja zyrtare | Faqja zyrtare e klubit | ||
| |||
Në Tetor 2019 skuadra blihet nga Marco Pontrelli (ish-president i Triestina në vitin 2014-2015) me qëllimin për ta rikthyer ekipin në nivelet më të larta siç ishte para vitit 2012. Ai emëron drejtor te pergjithshem Ermal Barushi, trajner Fabrizio Cammarata dhe drejtor sportiv Enzo Passarelli per nje periudhe dy mujore. Ne sezonin 2021-2022 FC Dinamo kalon ne pronesi 100 % te z Adrian Bardhi. Klubi ne vitin 2021 ndryshon status ku kalon ne nje shoqeri aksionere me kapital te 100% te z Adrian Bardhi duke kaluar ne emer Futboll Club Dinamo. Sruktura e klubit ndryshon me President z Adrian Bardhi, Administrator z Ilir Sinani, Drejtor Klubi z Ermal Barushi.
Historia e klubit
KS Dinamo ka dalë 18 herë Kampione e Shqipërisë në futboll dhe ka fituar 15 herë Kupën e Shqipërisë dhe 2 Super Kupa. Po ashtu KS Dinamo ka një numër pjesëmarrjesh në skenën evropiane të futbollit duke marrë marrë pjesë në Ligën e Kampionëve, pesë herë në Kupën UEFA, tre herë për Kupën e Kupave dhe pesë herë në Kupën Ballkanike.
Klubi sportiv i futbollit udhëhiqet nga presidenti i saj Avni Braçe. Administrator i klubit është Ismet Saliu, sekretar i klubit Avni Braçe dhe zëdhënës shtypi Xhevdet Zekaj. Klubi tashmë ka sponsor gjeneral Taivan Shpk. dhe Alpet Shpk. Trainer i klubit të futbollit është Faruk Sejdini .Klubi i futbollit Dinamo njihet për lojën kombinative dhe spektakolare, shtrirjen e tifozerisë në mbarë Shqipërinë, si dhe për kulturën Fair-Play, brenda fushës së lojës dhe jashtë saj. Dinamo së bashku me Tiranën dhe Partizanin, skuadra po të kryeqytetit, janë 3 klubet më të rëndësishme të Shqipërisë. Ato janë rivalizuar fuqimisht me njëra-tjetrën që prej krijimit të tyre, duke dominuar totalisht futbollin shqiptar, e konkretizuar kjo edhe me trofetë e shumta të fituara në shkallë vendi. Ndeshjet midis këtyre tre skuadrave të kryeqytetit përbënin dikur derbet klasike në Shqipëri, duke qene se thithnin interesin e rreth 90% të tifozëve dhe dashamirësve të futbollit shqiptar, fanatikë të këtyre skuadrave legjendare.
Fundi i vitit 1990, në të cilin nisën ndryshimet demokratike në Shqipëri e gjeti Dinamon si ekipin e futbollit më të suksesshëm në historinë e Shqipërisë, me 15 kampionate dhe 12 kupa të fituara, duke e pasuruar arkivin e saj të sukseseve. Pas viteve '90, klubi i futbollit Dinamo fitoi kampionatin e sezonit 2001-2002 me një rekord absolut në futbollin shqiptar prej 18 fitoresh rradhazi. Në sukseset e Dinamos vlen të përmendet gjithashtu dhe trofeu i Kupës së Shqipërisë në sezonin 2002-2003. Më 17 maj 2008 KS Dinamo u shpall kampione per sezonin 2007-2008, pas një fitoreje fantastike kundër KF Partizani, në një ndeshje ku blutë luajtën për 35 minuta me 9 lojtarë dhe fituan 2-1. Dinamo, falë investimeve dhe menaxhimeve serioze të z.Besnik Sulaj është rikthyer në një skuadër me emra të dëgjuar të futbollit shqiptar.
Dinamo vlerësohet jo vetëm për marrëdhëniet me fansat e saj, por edhe në ristrukturimin total të klubit, nga fakti që puna me ekipet e moshave të reja është vënë në baza të shëndosha bashkëkohore. Ndër ekipet zinxhirë dallohen ish-ekipi U-15 i Aleko Bregut, fitues i Kampionatit Kombëtar të futbollit për sezonin 2010-2011 dhe ekipi U-19 me trajner Toton.
KS Dinamo në Europë
- QR = Raundi Kualifikues
- R1 = Raundi i 1-re
- R2 = Raundi i 2-te
| Sezoni | Aktiviteti | Raundi | Shteti | Klubi | Pritës | Udhëtues |
|---|---|---|---|---|---|---|
| 1971/72 | UEFA Kupa e Fituesve të Kupës | R1 |  | Austria Wien | 1-1 | 0-1 |
| 1980/81 | UEFA Liga e Kampionëve | R1 |  | AFC Ajax | 0-2 | 0-1 |
| 1981/82 | UEFA Kupa | R1 |  | Carl Zeiss Jena | 1-0 | 0-4 |
| 1982/83 | UEFA Kupa e Fituesve të Kupës | R1 |  | Aberdeen FC | 0-0 | 0-1 |
| 1985/86 | UEFA Kupa | R1 |  | Hamrun Spartans | 1-0 | 0-0 |
| R2 |  | Sporting CP | 0-0 | 0-1 | ||
| 1986/87 | UEFA Liga e Kampionëve | R1 |  | Beşiktaş JK | 0-1 | 0-2 |
| 1989/90 | UEFA Kupa e Fituesve të Kupës | QR |  | PFC Chernomorets Burgas | 4-0 | 1-3 |
| R1 |  | FC Dinamo Bucureşti | 1-0 | 0-2 | ||
| 1990/91 | UEFA Liga e Kampionëve | R1 |  | Olympique Marseille | 0-0 | 1-5 |
| 2001/02 | UEFA Kupa | QR1 | | FC Dinamo Bucureşti | 1-3 | 0-1 |
| 2002/03 | UEFA Liga e Kampionëve | QR1 |  | FBK Kaunas | 0-0 | 3-2 |
| QR2 |  | Brøndby IF | 0-4 | 0-1 | ||
| 2003/04 | UEFA Kupa | QR |  | KSC Lokeren | 0-4 | 1-3 |
| 2004/05 | UEFA Kupa | QR1 | | Oţelul Galaţi | 1-4 | 0-4 |
| 2005 | UEFA Intertoto Kupa | R1 |  | NK Varteks | 2-1 | 1-4 |
| 2006/07 | UEFA Kupa | QR1 | | CSKA Sofia | 0-1 | 1-4 |
| 2008/09 | UEFA Liga e Kampionëve | QR1 |  | FK Modriča | 0-2 | 1-2 |
| 2009/10 | UEFA Kupa | QR1 |  | FC Lahti | 2-0 | 1-4 |
| 2010/11 | UEFA Liga e Kampionëve | QR2 |  | FC Sheriff Tiraspol | 1-0 | 1-3 |
Trofetë madhore
Liga Superiore - 18: 1950, 1951, 1952, 1953, 1955, 1956, 1960, 1967, 1973, 1975, 1976, 1977, 1980, 1986, 1990, 2002, 2008.
Kupa e Shqipërisë - 13: 1950, 1951, 1952, 1953, 1954, 1960, 1971, 1974, 1978, 1982, 1989, 1990, 2003.
Lidhje të jashtme
This article uses material from the Wikipedia Shqip article KS Dinamo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.