වන්වර්ල්ඩ් (Oneworld) යනු 1999 වර්ෂයේ පෙබරවාරි 1 වැනිදා පිහිටුවා ගන්නා ලද, ගුවන්ගමන් සේවා සන්ධානයකි.
ලෝකයේ ප්රධාන ගුවන්සේවා සන්ධාන හතර අතුරින්, නිතර ජාත්යන්තර සංචරණයේ යෙදෙන්නන්ගේ පළමු තේරීම බවට පත්වීම, මෙම ගුවන් සේවා සන්ධානයේ ප්රධාන අරමුණයි. මෙහි මධ්යම සන්ධාන කාර්යාලය ඇමරිකාවේ නිව්යෝර්ක් වල, නිව්යෝර්ක් සිටි හී පිහිටුවා තිබෙයි. මෙම සන්ධානයේ වර්ථමාන සාමාජිකයින් වන්නේ එයාර් බර්ලින්, ඇමරිකන් එයාර්ලයින්ස්, බ්රිටිෂ් එයාර්වේස්, කැතේ පැසිෆික්, ෆින්එයාර්, Iberia, ජැපෑන් එයාර්ලයින්ස්, LAN එයාර්ලයින්ස්, මැලේසියා එයාර්ලයින්ස්, Qantas, කටාර් එයාර්වේස්, රෝයල් ජෝර්දානියන්, S7 එයාර්ලයින්ස්, TAM එයාර්ලයින්ස් සහ ශ්රීලංකන් එයාර්ලයින්ස් ඇතුළු ඊට අනුබද්ධ තවත් උප ගුවන් සේවා 30 ක පමණ ප්රමාණයකි. 2014 මාර්තු 31 වනදා වන විට වන්වර්ල්ඩ් ගුවන් සන්ධානය, ගුවන්මගීන් මිලියන 496.4 කට පමණ සේවාව සපයන ලද ලොව තුන්වන ප්රධාන ගුවන් සේවාව බවට පත්විය (ස්ටාර් අලියන්ස් (මිලියන 637.6) සහ ස්කයි ටීම් (මිලියන 588) වලින් පසු.). වන්වර්ල්ඩ් හී ආදර්ශපාඨය වන්නේ, "ඇන් අලියන්ස් ඔෆ් ද වර්ල්ඩ්'ස් ලීඩින් එයාර්ලයින්ස් වර්කින් ඈස් වන් (ලෝකයේ ප්රමුඛතම ගුවන් සේවාවන්, එකෙකු මෙන් වැඩකරන සන්ධානයක්)" යන්නයි.
ආරම්භය | 1999 පෙබරවාරි1 |
---|---|
සාමාජිකයින් සංඛ්යාව | 15 |
ඡන්දය අහිමි සාමාජිකයින් සංඛ්යාව | 1 (අක්රීය සාමාජිකයා); 30 (අනුබද්ධ) |
අනාගත සාමාජිකයින් සංඛ්යාව | 1 (අනුබද්ධ) |
ගමනාන්ත ගුවන්තොටුපළ සංඛ්යාව | 982 |
ගමනාන්ත රටවල් සංඛ්යාව | 150 |
වාර්ෂික මගීන් සංඛ්යාව (මිලියන) | 496.4 |
යානා බළඇණි ප්රමාණය | 3,303 |
කළමණාකාරීත්වය |
|
ආදර්ශ පාඨය | An alliance of the world's leading airlines working as one. (ලෝකයේ ප්රමුඛතම ගුවන් සේවාවන්, එකෙකු මෙන් වැඩකරන සන්ධානයක්) |
ප්රධාන මූලස්ථානය | නිව්යෝර්ක් සිටි, නිව්යෝර්ක්, එක්සත් ජනපදය |
වෙබ් අඩවිය | oneworld.com |
2013 ඔක්තෝම්බර් මස වන විට සන්ධානයේ සාමාජික ගුවන්සේවා විසින්, සාමූහික වශයෙන් යානා 3,300 ක පමණ ප්රමාණයක් හසුරුවා තිබූ අතර, 150 කට වැඩි රටවල් ප්රමාණයක ගුවන්තොටුපල දහසකට පමණ සිය සේවාවන් සපයා තුබුණි. මීට අමතරව දෛනික පිටත්වීම් 14,000 ක ප්රමාණයක් මගින්, ගුවන් මගීන් මිලියන 475 ක පමණ පිරිසක් ප්රවාහනය කොට, ඉන් වාර්ෂිකව අමෙරිකා ඩොලර් බිලියන 140 කට වඩා වැඩි සමස්ථ ආදායම් ප්රමාණයක්, වන්වර්ල්ඩ් ගුවන්සේවා සන්ධානයේ සාමාජිකයින් විසින් උපයා ගෙන තිබුණි.
සාමාජික ගුවන්සේවය | එක්වීම | අනුබද්ධ සාමාජිකයින් |
---|---|---|
එයාර් බර්ලින් | 2012 මාර්තු 20 | Niki |
ඇමරිකන් එයාර්ලයින්ස්[A] | 1999 පෙබරවාරි 1 | American Eagle, මෙහෙයවනු ලබන්නේ
|
බ්රිටිෂ් එයාර්වේස්[A] | 1999 පෙබරවාරි 1 | BA CityFlyer British Airways Limited Comair OpenSkies Sun Air of Scandinavia |
කැතේ පැසිෆික්[A] | 1999 පෙබරවාරි 1 | Dragonair |
ෆින්එයාර් | 1999 පෙබරවාරි 1 | Flybe Nordic |
අයිබීරියා | 1999 පෙබරවාරි 1 | Iberia Regional, මෙහෙයවනු ලබන්නේ |
ජැපෑන් එයාර්ලයින්ස් | 2007 අප්රියෙල් 1 | J-Air JAL Express Japan Transocean Air |
LAN එයාර්ලයින්ස් | 2000 ජුනි 1 | LAN Argentina LAN Ecuador LAN Express LAN Perú LAN Colombia |
මැලේසියා එයාර්ලයින්ස් | 2013 පෙබරවාරි 1 | අදාළ නොවේ |
කැන්ටාස් (Qantas)[A] | 1999 පෙබරවාරි 1 | Jetconnect QantasLink |
කටාර් එයාර්වේස් | 2013 ඔක්තෝම්බර් 30 | අදාළ නොවේ |
රෝයල් ජෝර්ධානියන් | 2007 අප්රියෙල් 1 | අදාළ නොවේ |
එස්7 එයාර්ලයින්ස් | 2010 නොවැම්බර් 15 | Globus Airlines |
ශ්රී ලංකන් එයාර්ලයින්ස් | 2014 මැයි 1 | අදාළ නොවේ |
TAM එයාර්ලයින්ස් | 2014 මාර්තු 31 | අදාළ නොවේ |
A ආරම්භක සාමාජිකයින්
අක්රීය සාමාජික ගුවන් සේවය | එකතු වීම | අක්රීය වීම | අක්රීය අනුබද්ධ ගුවන් සේවය |
---|---|---|---|
Mexicana de Aviación[A] | 2009 නොවැම්බර් 10 | 2010 අගෝස්තු 28 | MexicanaClick MexicanaLink |
A මූල්යමය අර්බුධයකට ලක්වීම නිසා සිය මෙහෙයුම් 2010 අගා්ස්තු 28 වන දින අත්හිටුවන ලදී. සන්ධානය හැරගොස් නොමැති බැවින්, අක්රීය සාමාජිකයෙකු ලෙස නම් කොට තිබේ.
ඉන්දියාවේ කින්ග්ෆිෂර් (Kingfisher) ගුවන් සේවය වන්වර්ල්ඩ් වෙත එකතු වීමට 2012 පෙබරවාරි 10 දින සූදානම්ව සිටියත් මූල්යමය දුෂ්කරතා හේතුවෙන්, සන්ධානයට එක් නොවිණි.
හිටපු සාමාජික ගුවන්සේවය | එකතුවීම | ඉවත්වීම | අනුබද්ධ ගුවන් සේවා |
---|---|---|---|
Aer Lingus[A] | 2000 ජුනි 1 | 2007 අප්රියෙල් 1 | — |
කැනේඩියන් එයාර්ලයින්ස්[B] | 1991 පෙබරවාරි 1 | 2000 ජුනි 1 | Calm Air Canadian North Canadian Regional Airlines Inter-Canadien |
Malév[C] | 2007 මාර්තු 29 | 2012 අප්රියෙල් 1 | — |
A ව්යාපාරික මූලෝපායන් වෙනස්කිරීම නිසා ස්වේච්ඡාවෙන් ඉවත්ව ගිය
B සන්ධානයේ ආරම්භක සාමාජිකයෙකු වූවත්, ස්ටාර් අලියන්ස් සාමාජිකයෙකු වූ එයාර් කැනඩා ගුවන් සේවය යටතට පත්වූ නිසා, වන්වර්ල්ඩ් සන්ධානයෙන් ඉවත් විය.
C මූල්යමය බිඳවැටීම් නිසා ඉවත් වූ
හිටපු අනුබද්ධ සාමාජිකයින් | එකතුවීම | ඉවත්වීම | අනුබද්ධතාව |
---|---|---|---|
Air Liberté[A] | 1999 | 2000 | බ්රිටිෂ් එයාර්වේස් |
Impulse Airlines | 2001 | 2004 | කැන්ටාස් |
BA Connect[A] | 1999 | 2007 | බ්රිටිෂ් එයාර්වේස් |
British Mediterranean Airways[A] | 1999 | 2007 | බ්රිටිෂ් එයාර්වේස් |
Deutsche BA[A] | 1999 | 2006 | බ්රිටිෂ් එයාර්වේස් |
GB Airways[A] | 1999 | 2008 | බ්රිටිෂ් එයාර්වේස් |
JALways | 2007 | 2010 | ජැපෑන් එයාර්ලයින්ස් |
Japan Asia Airways | 2007 | 2008 | ජැපෑන් එයාර්ලයින්ස් |
Loganair[A] | 1999 | 2008 | බ්රිටිෂ් එයාර්වේස් |
Qantas New Zealand | 2000 | 2001 | කැන්ටාස් |
Regional Air (Kenya) | 2001 | 2005 | බ්රිටිෂ් එයාර්වේස් |
Southern Australia Airlines[A] | 1999 | 2002 | කැන්ටාස් |
A ආරම්භක, අනුබද්ධ ගුවන්සේවා සාමාජිකයින්
2014 මැයි 1 වැනිදින මත්තල රාජපක්ෂ ජාත්යන්තර ගුවන් තොටුපොළේ පැවැති, මෙම එකතු වීම වෙනුවෙන් සංවිධානය කොට තිබූ උත්සවයේදී, “වන්වර්ල්ඩ්“ ගෝලීය ගුවන් සේවා සන්ධානය සමග ශ්රී ලංකන් ගුවන් සමාගම නිල වශයෙන් අත්වැල් බැඳගන්නා ලදී. මේ අනූව මෙවැනි ගුවන් සේවා සන්ධානයකට එක්වූ පළමු දකුණු ආසියානු ගුවන් සේවය වන්නේද, ශ්රී ලංකන් ගුවන් සේවය වේ.
This article uses material from the Wikipedia සිංහල article වන්වර්ල්ඩ්, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.