ବିଜୟ କୁମାର ଶତପଥୀ: ଭାରତୀୟ ଭାରୋତ୍ତଳକ
ବିଜୟ କୁମାର ଶତପଥୀ, ଜଣେ ଓଡ଼ିଆ ଭାରୋତ୍ତଳକ ଅଟନ୍ତି । କୌଣସି ଆନ୍ତରାଷ୍ଟ୍ରୀୟ ପ୍ରତିଯୋଗୀତାରେ ପଦକ ଜିତିବାରେ ସେ ଥିଲେ ପ୍ରଥମ ଓଡ଼ିଆ ଖେଳାଳି ।
ବିଜୟ କୁମାର ଶତପଥୀ | |
|---|---|
| ଜାତୀୟତା | ଭାରତୀୟ |
| ପୁରସ୍କାର | ଅର୍ଜୁନ ପୁରସ୍କାର |
ବିଜୟ କୁମାର, ସ୍କୁଲରେ ପଢିବାବେଳୁ କ୍ରୀଡ଼ାପ୍ରତି ଆକର୍ଷିତ ଥିଲେ । ୧୯୬୯ମସିହାରୁ ସେ ଭାରୋତ୍ତଳନ ଆରମ୍ଭ କରିଥିଲେ । ୫୬କିଲୋ ଓଜନ ବର୍ଗରେ ସେ ପ୍ରତିଦ୍ୱନ୍ଦିତା କରୁଥିଲେ । ବ୍ରହ୍ମପୁରର "ବୀର ହନୁମାନ" କ୍ଲବରେ ସେ ଅଭ୍ୟାସ କରୁଥିଲେ । ବୃତ୍ତିଗତ ଜୀବନରେ ସେ ପ୍ରଥମେ ଭାରତୀୟ ନୌସେନା(୧୯୭୪ରେ ଯୋଗଦାନ) ଓ ପରେ ଭାରତୀୟ ରେଳରେ ଚାକିରି କରୁଥିଲେ । ୨୦୧୦ମସିହାରେ ସେ ଭାରତୀୟ ରେଳରୁ ସ୍ୱେଚ୍ଛାକୃତ ଅବସର ନେଇ, ଭାରୋତ୍ତଳନରେ ଅନ୍ୟମାନଙ୍କୁ ଶିକ୍ଷାଦାନ କରୁଛନ୍ତି ।
କ୍ରୀଡା ସଫଳତା
- ୧୯୭୭ରୁ ୧୯୮୩ ପର୍ଯ୍ୟନ୍ତ ସେ ଜାତୀୟ ଚାମ୍ପିୟନ ରହିଥିଲେ ।
- ୧୯୮୦-୮୧ ମସିହାରେ ନିଉଜିଲ୍ୟାଣ୍ଡର ଅକଲାଣ୍ଡ ସହରରେ ଅନୁଷ୍ଠିତ ହୋଇଥିବା ରାଷ୍ଟ୍ରମଣ୍ଡଳ ଖେଳରେ ୫୬ କିଲୋ ଓଜନ ବର୍ଗରେ ସେ ରୌପ୍ୟପଦକ ହାସଲ କରିଥିଲେ ।
- ୧୯୮୨ ମସିହାରେ ଅଷ୍ଟ୍ରେଲିଆର ବ୍ରିସବେନଠାରେ ଅନୁଷ୍ଠିତ ହୋଇଥିବା ରାଷ୍ଟ୍ରମଣ୍ଡଳ ଖେଳରେ ସେ ରୌପ୍ୟପଦକ ହାସଲ କରିଥିଲେ ।
- ୧୯୮୨ମସିହାରେ ସେ ଅର୍ଜୁନ ପୁରସ୍କାର ଲାଭ କରିଥିଲେ । ଏହି ପୁରସ୍କାର ପାଇବାରେ ମିନତି ମହାପାତ୍ରଙ୍କ ପରେ ସେ ଦ୍ୱିତୀୟ ଓଡ଼ିଆ ଥିଲେ ।
- ୧୯୮୧(ନାଗୋୟା) ଓ ୧୯୮୩(ଡାମାସକସ) ଏସୀୟ ଚାମ୍ପିୟନସିପରେ ସେ ବ୍ରୋଞ୍ଜ ପଦକ ହାସଲ କରିଥିଲେ ।
- ୧୯୯୦ ଏସୀୟ କ୍ରୀଡାରେ ସ୍ୱର୍ଣ୍ଣପଦକ ହାସଲ କରିଥିଲେ ।
- ୧୯୮୨ ପାକିସ୍ତାନ ଜାତୀୟ କ୍ରୀଡାରେ ପେସାୱରଠାରେ ସ୍ୱର୍ଣ୍ଣପଦକ ହାସଲ କରିଥିଲେ ।
ସମ୍ମାନ ଓ ପୁରସ୍କାର
- ଅର୍ଜୁନ ପୁରସ୍କାର - ୧୯୮୨
- କମଳ ଗାଙ୍ଗୁଲି ମେମୋରିଆଲ ଲାଇଫ୍ ଟାଇମ୍ ଆଚିଭମେଣ୍ଟ ଆୱାର୍ଡ଼(ସହୀଦ ସ୍ପୋର୍ଟିଂ, ଭୁବନେଶ୍ୱରଦ୍ୱାରା ପ୍ରଦତ୍ତ) - ୨୦୧୫
ଆଧାର
This article uses material from the Wikipedia ଓଡ଼ିଆ article ବିଜୟ କୁମାର ଶତପଥୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.