भरतपुरका महानगरपालिका निर्वाचन, २०७९ भरतपुर महानगरपालिकामा नगरप्रमुख, उपप्रमुख, २९ वडा अध्यक्ष र वडा सदस्य पदका लागि २०७९ वैशाख ३० गते शुक्रबार सम्पन्न भएको थियो। सबै पदहरू ५ वर्षको अवधिका लागि हुन्छ।
देश सङ्घीयतामा गइसकेपछि पहिलो स्थानीय निर्वाचन २०७४ सालमा सम्पन्न भएको थियो। नयाँ संविधान पारित भएसँगै विद्यमान स्थानीय तहलाई अझ शक्तिशाली र स्वायत्त स्थानीय निकायमा पुनर्संरचना गर्न आयोग गठन गरिएको थियो। सात पदको लागि हुने निर्वाचनमा गाउँपालिकाको अध्यक्ष/उपाध्यक्ष र नगरपालिकाको प्रमुख र उपप्रमुख बाहेक वडा स्तरमा १ महिला र १ दलित महिलाको उपस्थिति अनिवार्य गरिएको छ भने निर्वाचन मार्फत १ वडाध्यक्ष सहित ४ वडा सदस्य निर्वाचित हुन्छन्।
उम्मेदवार
जगन्नाथ पौडेल
अनुभवी नेपाली काङ्ग्रेसका राजनीतिज्ञ तथा अधिवक्ता जगन्नाथ पौडेल स्वतन्त्र मेयर उम्मेदवार हुन्। जगन्नाथ पौडेललाई चितवन काङ्ग्रेसका कृष्णलाल सापकोटा र टिकाराम न्यौपाने, पूर्व गाविस सचिव आनन्दराज राउत, पूर्व सांसद भीमबहादुर श्रेष्ठ, नेता मीना खरेल, तरुण दलका पूर्वअध्यक्ष शम्भु अर्याल लगायतको टोलीको समर्थन रहेको छ। पौडेलले यसअघि २०५४ सालमा भएको निर्वाचनमा भरतपुरको उपमेयर पदमा विजयी भएका थिए। उनी राष्ट्रिय सभा सदस्यसमेत रहेका छन्। निर्वाचन आयोगले उनलाई भुइँकटहर चुनाव चिन्ह प्रदान गरेको थियो।
पौडेल सामुदायिक क्याम्पस, बालकुमारी क्याम्पस भरतपुरका संस्थापक मध्ये एक हुन्। त्यसैगरी पौडेलले समाज कल्याणका विभिन्न गतिविधि गर्दै आएका छन्। अघिल्लो निर्वाचनमा नेपाली काङ्ग्रेसले वडा स्तरमा सबैभन्दा बढी पदमा विजयी हासिल गरेको थियो।
This article uses material from the Wikipedia नेपाली article भरतपुर महानगरपालिका निर्वाचन, २०७९, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.
_election_symbol_1.png)
