गण्डकी प्रदेश सभा गण्डकी प्रदेशको एकसदनात्मक प्रदेश सरकार र कानून निर्माण गर्ने निकाय हो। नेपालको सात प्रदेशमध्ये एक गण्डकी प्रदेशको प्रादेशिक राजधानी कास्की जिल्लाको पोखरामा रहेको छ। प्रादेशिक सभामा ६० जना विधायक सदस्यहरू छन् जसमध्ये ३६ जना पहिलो पटक मतदान मार्फत निर्वाचित हुन्छन् भने २४ जना समानुपातिक निर्वाचन प्रणाली तर्फबाट निर्वाचित हुने गर्छन्। यो सभाको अवधि पाँच वर्षको हुने गर्छ।
गण्डकी प्रदेश सभा | |
---|---|
दोस्रो गण्डकी प्रदेेश सभा | |
प्रकार | |
प्रकार | गण्डकी प्रदेशको एकसदनात्मक व्यवस्थापिका |
इतिहास | |
नयाँ कार्यकालको सुरुवात | वि.सं. २०७९ पुस १८ |
नेतृत्वकर्ता | |
सभामुख | कृष्णप्रसाद धिताल, माके पदासीन: वि.सं. २०७९ पुस ३० |
उपसभामुख | बिना कुमारी थापा, एमाले पदासीन: वि.सं. २०७९ माघ २ |
मुख्यमन्त्री | |
प्रतिपक्ष दलको नेता | |
संरचना | |
राजनीतिक दल | सरकार (३३)
प्रतिपक्ष (२७)
|
कार्यकाल अवधि | ५ वर्ष |
निर्वाचन | |
समानान्तर प्रणाली:
| |
पछिल्लो निर्वाचन | २०७९ |
आउने निर्वाचन | २०८४ |
बैठक स्थल | |
सहरी विकास प्रशिक्षण केन्द्र, पोखरा, कास्की | |
वेबसाइट | |
pradeshsabha | |
संविधान | |
नेपालको संविधान |
गण्डकी प्रदेश सभा नेपालको संविधान २०७२ को धारा १७५ बमोजिम गठन भएको थियो। उक्त व्यवस्थाले मुलुकका प्रत्येक प्रदेशका लागि प्रादेशिक संसदको प्रत्याभूति गरेको छ। वि.सं. २०७४ सालमा गण्डकी प्रदेशको प्रदेश सभा निर्वाचन तर्फको ६० सिटका लागि सम्पन्न भएको थियो। यस चुनावको परिणामस्वरूप नेपाल कम्युनिस्ट पार्टी (एकीकृत मार्क्सवादी-लेनिनवादी) र नेपाल कम्युनिस्ट पार्टी (माओवादी केन्द्र) गठबन्धनको विजय भएको थियो। वि.सं. २०७५ जेठ ३ मा यी दुई राजनीतिक दलहरू एकआपसमा गाभिएर नेपाल कम्युनिस्ट पार्टीको गठन भएको थियो जसको कारण यसले अत्याधिक बहुमत प्राप्त गरेको थियो। पछि नेपाल कम्युनिस्ट पार्टी (एमाले)बाट पृथ्वी सुब्बा गुरूङको नेतृत्वमा गठबन्धन सरकारको गठन भएको थियो। नेकपा माओवादीका नेत्रनाथ अधिकारी प्रदेश सभाका प्रथम सभामुख निर्वाचित भएका थिए भने प्रथम उप-सभामुख एमालेकी सृजना शर्मा थिइन्।
निर्वाचन वर्ष | सभा | कार्यकाल सुरुवात | कार्यकाल अन्त्य | सभामुख | मुख्यमन्त्री | राजनीतिक दल | |
---|---|---|---|---|---|---|---|
२०७४ | पहिलो सभा | वि.सं. २०७४ माघ १८ | वि.सं. २०७९ असोज १ | नेत्रनाथ अधिकारी | पृथ्वीसुब्बा गुरुङ(मन्त्रिपरिषद्) | नेपाल कम्युनिस्ट पार्टी (एकीकृत मार्क्सवादी-लेनिनवादी) | |
कृष्णचन्द्र नेपाली पोखरेल(मन्त्रिपरिषद्) | नेपाली कांग्रेस | ||||||
२०७९ | दोस्रो सभा | वि.सं. २०७९ पुस १८ | पदासीन | कृष्णप्रसाद धिताल | खगराज अधिकारी('मन्त्रिपरिषद्') | नेपाल कम्युनिस्ट पार्टी (एकीकृत मार्क्सवादी-लेनिनवादी) |
नेपालको संविधानको धारा १९५ मा प्रदेश सभाहरूलाई कार्यसञ्चालन कार्यविधिको व्यवस्था गर्न विशेष समितिहरू गठन गर्ने अधिकार प्रदान गरिएको छ।
क्र.सं | समिति | सदस्यता |
---|---|---|
१ | कार्य व्यवस्था परामर्श | ११ |
२ | व्यवस्थापिका | १३ |
३ | सार्वजनिक खाता | १३ |
४ | वित्त र विकास | १४ |
५ | प्रदेश मामिला | ११ |
राजनीतिक दल | संसदीय दलको नेता | सिट | |
---|---|---|---|
नेपाली कांग्रेस | सुरेन्द्रराज पाण्डे | २७ | |
नेपाल कम्युनिस्ट पार्टी (एमाले) | खगराज अधिकारी | २२ | |
नेपाल कम्युनिस्ट पार्टी (माके) | हरिबहादुर चुमान | ८ | |
राष्ट्रिय प्रजातंत्र पार्टी | २ | ||
नेपाल कम्युनिस्ट पार्टी (एस) | १ | ||
जम्मा | ६० |
This article uses material from the Wikipedia नेपाली article गण्डकी प्रदेश सभा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.