ब्ल्याकपिङ्क (कोरियाली: 블랙핑크) वाइजी इन्टरटेनमेन्टद्वारा गठित एक दक्षिण कोरियाली युवती साङ्गीतिक समूह हो। यसमा समूह अन्तर्गतका सदस्यहरूमा जिसो, जेनी, रोज र लिसा पर्दछन्। यस समूहले सन् २०१६ को अगस्टमा स्क्वायर वान नामक एक साङ्गीतिक सङ्गालोका साथ साङ्गीतिक क्षेत्रमा पर्दापण गरेको थियो भने यस साङ्गीतिक सङ्गालो अन्तर्गत समावेश गीत विसल र बुमबोयाले दक्षिण कोरियाली गायन डिजिटल साङ्गीतिक तालिका र बिलबोर्ड विश्व डिजिटल गीत बिक्री सङ्गीत तालिकामा शीर्ष स्थान हासिल गर्न सफल भएको थियो।
ब्ल्याकपिङ्क | |
---|---|
व्यक्तिगत विवरण | |
उत्पत्ति | साउल, दक्षिण कोरिया |
विधा |
|
सक्रिय वर्ष | २०१६ | –हाल
लेबल |
|
वेबसाइट | blackpinkofficial |
सदस्यहरू | |
ब्ल्याकपिङ्क बिलबोर्ड हट १०० मा सबैभन्दा धेरै पटक साङ्गीतिक तालिकामा समावेश महिला कोरियाली कलाकार हुन्। यस समूहद्वारा सन् २०२० मा सार्वजनिक गरिएको आइसक्रिम नाम गीत पहिलोपटक बिलबोर्ड हट १०० को शीर्ष १३ मा पर्न सफल भएको थियो भने बिलबोर्ड २०० मा समावेश यस समूहको द एल्बम (सन् १०२०) नामक साङ्गीतिक सङ्गालो तालिकाको दोस्रो स्थानमा पर्न सफल भएको थियो। ब्ल्याकपिङ्कको द एल्बम नामक साङ्गीतिक सङ्गालो कोरियाली युवती समूहद्वारा एक लाख भन्दा बढी प्रतिलिपि बिक्री गर्ने पहिलो साङ्गीतिक सङ्गालो बन्न सफल भएको थियो। यस समूह बिलबोर्डको उदाउँदो कलाकार तालिकामा प्रवेश गर्दै शीर्ष स्थानमा आउने तथा बिलबोर्ड विश्व डिजिटल गीत बिक्री तालिकामा तीनपटकसम्म शीर्ष स्थानमा पर्ने पहिलो कोरियाली युवती समूह बनेको थियो।ब्ल्याकपिङ्कद्वारा सन् २०१८ मा सार्वजनिक गरिएको एकल गीत "दु दु दु"का साथ यो समूहले अमेरिकी रेकर्डिङ उद्योग सङ्घबाट प्रमाण पत्र प्राप्त गर्ने पहिलो महिला कोरियाली समूह बनेको थियो भने कोरियाली साङ्गीतिक समूहद्वारा सार्वजनिक गरिएका भिडियोमध्ये यस गीतको आधिकारिक साङ्गीतिक भिडियोले सर्वाधिक अवलोकन प्राप्त गरेको छ। सन् २०१८ मा यस साङ्गीतिक समूहले बेलायती गायिका डुआ लिपासँग सहकार्य गरी "किस एन्ड मेक अप" नामक गीत सार्वजनिक गरेको थियो जसका कारण यस समूहले बेलायती साङ्गीतिक उद्योगबाट सङ्गीत प्रमाणपत्र प्राप्त गर्ने पहिलो कोरियाली समूहले बनेको थियो भने यस समूहले अस्ट्रेलियाली रेकर्डिङ उद्योग सङ्घबाट प्लेटिनम प्रमाणपत्र प्राप्त गरेको थियो।
ब्ल्याकपिङ्कले आफ्नो साङ्गीतिक कार्यकालमा थुप्रै अनलाइन कीर्तिमानहरू तोडेको छ। यस समूहद्वारा सार्वजनिक गरिएको "किल दिस लभ" नामक गीत र सन् २०२० मा सार्वजनिक गरिएको "हाउ यु लाइक दयाट" गीतको आधिकारिक साङ्गीतिक भिडियोले सार्वजनिक भएको पहिलो २४ घण्टा भित्रै सबैभन्दा बढी हेरिएको भिडियो बन्न सफल भएको थियो भने यसका साथ यी भिडियोहरूले गिनिज विश्व कीर्तिमान पनि बनाउन सफल भएको थियो। यस समूहद्वारा सार्वजनिक गरिएको चारवटा साङ्गीतक भिडियोले भिडियो साझेदार मञ्चमा एक अर्ब हेराई प्राप्त गरेको थियो। यस समूहले युट्युबमा बढी सदस्य प्राप्त गर्ने कोरियाली साङ्गीतिक समूह र स्पोटिफाईमा सबैभन्दा बढी पछ्याइएको कोरियाली समूह बनेको थियो। सन् २०२१ को मार्चसम्ममा यस समूहले स्पोटिफाईमा २० लाखभन्दा बढी अनुयायीहरू प्राप्त गरेको छ।
This article uses material from the Wikipedia नेपाली article ब्ल्याकपिङ्क, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.