മുസ്ലീങ്ങളുടെ വിശുദ്ധ ഗ്രന്ഥമായ ഖുർആനിലെ ആദ്യം വായിക്കപ്പെടുന്നതും ഇസ്ലാം മതവിശ്വാസികൾ അധികമായും ആവർത്തിച്ചും പാരായണം ചെയ്യുന്നതുമായ അധ്യായമാണ് അൽ ഫാത്തിഹ (അറബി:الفاتحة) വിശുദ്ധ ഖുർആന്റെ പ്രാരംഭമായതിനാൽ അൽ ഫാത്തിഹ എന്ന പേര് ഈ അദ്ധ്യായത്തിനു ലഭിച്ചു.
എല്ലാ ദിവസങ്ങളിലുമുള്ള 5 സമയങ്ങളിലെ നമസ്കാരത്തിൽ എല്ലാ റക്കഅകളിലും ഈ അദ്ധ്യായം പാരായണം ചെയ്യൽ നിർബന്ധമായി കണക്കാക്കുന്നു. ഒരു ദിവസം 5 നമസ്കാരങ്ങളിൽ ഈ അധ്യായം 17 തവണ ആവർത്തിക്കപ്പടുന്നു.
വർഗ്ഗീകരണം | മക്കി |
---|---|
മറ്റു പേരുകൾ | ഉമ്മുൽ കിതാബ് ഉമ്മുൽ ഖുർആൻ താക്കോൽ സൂര അൽ-ഹംദ് |
വെളിപ്പെട്ട സമയം | മുഹമ്മദ്(സ) നബിയുടെ ജീവിതത്തിലെ ആദ്യകാലം |
സ്ഥിതിവിവരങ്ങൾ | |
ആയത്തുകളുടെ എണ്ണം | 7 |
വാക്കുകൾ | 25 |
അക്ഷരങ്ങൾ | 130 |
ഹർഫ്-ഇ-മുകത്തത്ത് (തുടങ്ങുന്നത്) | ഇല്ല |
പ്രത്യേക വിഷയങ്ങളിൽ ഉള്ള ആയത്തുകളുടെ എണ്ണം | ദൈവ സ്തുതി: 3 സ്രഷ്ടാവും സൃഷ്ടികളുമായി ഉള്ള ബന്ധം: 1 മനുഷ്യരാശിക്കുവേണ്ടിയുള്ള പ്രാർത്ഥന: 3 |
"തീർച്ചയായും ആവർത്തിത വചനങ്ങളിൽ പെട്ട ഏഴെണ്ണവും മഹത്തായ ഖുർആനും നിനക്ക് നാം നൽകിയിരിക്കുന്നു."വി. ഖു. അൽഹിജിറ് :87
ഇത് മക്കയിൽ അവതീർണ്ണമായ ഒരു അദ്ധ്യായമാണ്. ഏഴ് സൂക്തങ്ങൾ അടങ്ങിയതാണ് ഈ അദ്ധ്യായം. പൂർണ്ണരൂപത്തിൽ ആദ്യമായി മുഹമ്മദ് നബിക്ക് അവതീർണ്ണമായ അദ്ധ്യായമാകുന്നു ഇത്. ഇതിനു മുൻപ് അൽ അലഖ്, അൽ മുസ്സമ്മിൽ, അൽ മുദ്ദഥിർ എന്നീ അദ്ധ്യായങ്ങളിലെ കേവലം ചില സൂക്തങ്ങൾ മാത്രമമെ അവതീർണ്ണമായിരുന്നുള്ളൂ.
ദൈവത്തിനുള്ള സ്തുതിയും, പ്രാർത്ഥനയും, സഹായ അഭ്യർഥനയുമാണ് ഈ അദ്ധ്യായത്തിലെ പ്രതിപാദ്യം.
ഫാത്തിഹ പാരായണം ചെയ്യാതെയുള്ള നമസ്കാരം അപൂർണ്ണമാണെന്ന് സഹീഹ് ബുഹാരി, സഹീഹ് മുസ്ലിം എന്നീ ഹദീഥുകളിൽ പറയുന്നുണ്ട്.
Bismillāhi r-raḥmāni r-raḥīm
ബിസ്മില്ലാഹി റഹ്മാനി റഹീം
In the name of God, the Most Beneficent, the Most Merciful:
പരമകാരുണികനും കരുണാനിധിയുമായ അല്ലാഹുവിന്റെ നാമത്തിൽ.
Al ḥamdu lillāhi rabbi l-'ālamīn
അൽ ഹംദു ലില്ലാഹി റബ്ബിൽ ആലമീൻ
Praise be to God, the Lord of the Universe.
സ്തുതി സർവ്വലോക പരിപാലകനായ അല്ലാഹുവിന്നാകുന്നു.
Ar raḥmāni r-raḥīm
അറ്റഹ്മാനി റഹീം
The Most Merciful, the Ever Merciful.
പരമകാരുണികനും കരുണാനിധിയും.
മാലികി യൌമുദ്ദീൻ
Māliki yawmi d-dīn
King of the Day of Judgment.
പ്രതിഫല ദിവസത്തിന്റെ ഉടമസ്ഥൻ.
ഇയ്യാക്കനൌബുദു വ ഇയ്യാക്കനസ്ഥഈം\
Iyyāka na'budu wa iyyāka nasta'īn
You alone we worship, and You alone we ask for help
നിന്നെ മാത്രം ഞങ്ങൾ ആരാധിക്കുന്നു. നിന്നോട് മാത്രം ഞങ്ങൾ സഹായം തേടുന്നു.
ഇഹ്ദിന സിറാത്തൽ മുസ്ഥഖീം
Ihdinā ṣ-ṣirāṭ al mustaqīm
Guide us to the straight path;
ഞങ്ങളെ നീ നേർമാർഗ്ഗത്തിൽ ചേർക്കേണമേ.
സിറാത്തല്ലതീന അൻ അംത അലൈഹിം ഗൈരിൽ മഗ്ളൂബി അലൈഹിം വലള്ളാല്ലീൻ
Ṣirāṭ al-laḏīna an'amta 'alayhim ġayril maġḍūbi 'alayhim walāḍ ḍāllīn
The path of those whom you have blessed, not of those who have deserved anger, nor of those who stray.
നീ അനുഗ്രഹിച്ചവരുടെ മാർഗ്ഗത്തിൽ . കോപത്തിന്ന് ഇരയായവരുടെ മാർഗ്ഗത്തിലല്ല . പിഴച്ചുപോയവരുടെ മാർഗ്ഗത്തിലുമല്ല.
നിർബന്ധമില്ലെങ്കിലും സാധാരണയായി ഫാത്തിഹക്ക് അവസാനം “ആമീൻ” (ഈ പ്രാർഥന സ്വീകരിക്കേണമേ) എന്ന് ചൊല്ലാറുണ്ട്.
Vocal (ഡൗൺലോഡ്) | |
noicon | |
മുൻപുള്ള സൂറ: — | ഖുർആൻ | അടുത്ത സൂറ: അൽ ബഖറ |
സൂറത്ത് (അദ്ധ്യായം) 1 | ||
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 |
This article uses material from the Wikipedia മലയാളം article അൽ ഫാത്തിഹ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.