Maily

io refy io dia ampiasaina any Etazonia, any amin'ny Fanjakana Mitambatra ary any amin'ny firenena hafa maro ao amin'i Commonwealth. Anisan'ny refy imperialy ny maily.

Ny maily iraisam-pirenena dia samihafa amin'ny maily amerikanina. Ny maily amerikanina dia mirefy 1 609,347 metatra.

Ny teny maily dia avy amin'ny fiteny anglisy taloha mil izay avy amin'ny teny latina millia midika arivo. Ny teny anglisy mile dia avy amin'ny teny latina mille passuum (dingana arivo), anefa any amin'ny faritra hafa an'i Eoropa, ny teny mile (meile amin'ny fiteny alemana, mijl amin'ny fiteny neerlandey), dia avy amin'ny teny latian miliarium spatium (elanelana arivo).

 

Ny romana dia ny voalohany indrindra ny mampiasa ny refy handrefesana ny halavana lehibe izay nantsoiny hoe mille passuum (ara-tsratra dingana arivo amin'ny fiteny latina. Ny maily romana dia mirefy dingana arivo na tongotra (feet) dimy arivo, izany hoe eo amin'ny 1 479 metatra eo ho eo. Io refy io, izay antsoina ankehitriny hoe Maily romana dia nihatra eraky ny Fanjakambe Romana, miampy fanovana madinika mba hampiady azy amin'ny refy miasa eo amin'ny an-toerana.

• Ny refin'ny maily arabo dia nampaisain'ny jeografa mozilmana ary mirefy eo amin'ny 1 925 metatra eo ho eo.
• Ny maily danisy dia mirefy tongotra danisy 24 000 na 7 532 metatra. Tsindraindray atao ho fito faingo dimy kilometatra ny refiny ; izany hoe mitovy amin'ny Meile alemana.
• Ny Meile alemana dia mirefy tongotra alemana efatra arivo sy roa alina ; izany hoe enina ambin'ny valopolo sy dimanjato sy fito arivo (7 586) metatra any Aotrisy na 7532 metatra any Alemaina avaratra. Misy koa ny antsoina hoe geographische Meile izay mirefy iray ampan'ny dimy ambin'ny folo (1/15) degren-daharam-pehintany.
• Ny milha portogey dia refy nampaiasaina tany Portogaly ary Brazila talohan'ny fampiasana ny metatra. Ny halavany dia 2 087,3 metatra.
• Ny milja rosiana dia mirefy 7,468 km.

Tsiahy

Mbola ambangovangony ity lahatsoratra ity ary tokony hofenoina. Azonao atao ny mandray anjara eto amin'ny Wikipedia amin'ny alàlan'ny fanitarana azy. Jereo koa ny pejy Ahoana ny manao takelaka rehefa te-hijery hoe ahoana no fanaovana azy.