Ny Evanjelin' i Gamaliela na Filazantsaran' i Gamaliela dia evanjely apôkrifa izay ahitana ny mpitantara izay miantso ny tenany hoe Gamaliela, ilay mpampianatra an' i Paoly avy any Tarsôsy.
Ity fitantarana ity dia hita ao amin' ny ampahan-dahatsoratra misisika ao amin' ny toritenin' ny eveka Heriagôsy, dia ny Fitomanian' i Maria. Io lahatsoratra io dia fandikana amin' ny teny etiôpiana (teny gezy) ny lahatsoratra amin' ny teny arabo, izay mety avy tamin' ny lahatsoratra amin' ny teny kôpta.
Ny lahatsoratra ao amin' ny Fiangonana kristiana kôpta, izay manao an' i Pontio Pilato, ilay nanameloka an' i Jesoa, ho olo-masina niova finoana ho kristiana, dia maneho azy amin' ny fomba fijery tsara. Naka aingam-panahy amin' ny dikan-teny A an' ny Asan' i Pilato (izay atao hoe Evanjelin' i Nikôdemo), ary mety azo lazaina fa tamin' ny tenantenan' ny taonjato faha-5 no nanoratana azy. Natovana io ampahan-dahatsoratra io ny resaka an-taratasy nataon' i Pilato sy i Herôda Antipasy, izay misy fahasamihafana be amin' ireo dikan-teny hafan' izany resaka izany.
Ny andalana sasany dia mety nampifandraisina amin' ny sombin-dahatsoratra amin' ny teny kôpta, izay nomena ny anarana hoe Evanjelin' ny Apôstôly roa ambin' ny folo.
Ny fitantarana ny fijaliana niaretan' i Kristy ao amin' ny Evanjelin' i Gamaliela dia narafitra araka ny teny frantsay taloha, izay dikan-teny misy amin' ny soratanana miisa any amin' ny dimy ambin' ny folo any ho any voasotatra tamin' ny taonjato faha-14 sy faha-15.
This article uses material from the Wikipedia Malagasy article Evanjelin' i Gamaliela, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.