Þjóðvegur 1

Vegurinn er samtals 1321 km á lengd og liggur um alla landshluta nema Vestfirði og Miðhálendið. Hringurinn var kláraður árið 1974 þegar Skeiðarárbrú var opnuð. Núllpunktur Hringvegarins er á sýslumörkum Skaftafellssýslnanna tveggja á Skeiðarársandi.

Vegurinn er að mestu tvíbreiður nema þar sem hann liggur í gegnum stærri bæi þar sem hann er breiðari og einnig í hluta Hvalfjarðarganganna. Lokið var að setja bundið slitlag árið 2019.

Umferð um veginn er langmest í nágrenni höfuðborgarinnar og stærri bæja eins og Akureyrar og Selfoss en fjarri þéttbýli er að finna kafla þar sem umferð er mjög lítil eða undir 100 ökutækjum á dag. Enn eru 30 einbreiðar brýr á hringveginum (2023) en árið 1990 voru þær um 140.

Lengi hefur það verið vinsælt hjá íslenskum ferðamönnum að fara hringinn enda er stór hluti landsins innan seilingar frá honum. Í seinni tíð hefur leiðin öðlast meiri vinsældir meðal erlendra ferðamanna sem leigja sér bíl, taka með eigin bíl eða hjóla þessa leið.

Friðrik Þór Friðriksson gerði kvikmyndina Hringinn þar sem hann keyrði allan Hringveginn og tók það upp.

• 1928: Brúin yfir Hvítá í Borgarfirði hjá Hvítárvöllum reist. Síðar leyst af hólmi með tilkomu Borgarfjarðarbrúar.
• 1930-1940: Lokið var við veginn fyrir Hvalfjörð. Þar með var komið vegasamband milli Reykjavíkur og Akureyrar.
• 1933: Gamla Markarfljótsbrúin reist. Síðar leyst af hólmi með nýrri brú.
• 1945-1946: Núverandi Ölfusárbrú reist eftir að sú fyrri hafði gefið sig.
• 1947: Brúin yfir Jökulsá á Fjöllum hjá Grímsstöðum tekin í notkun. Þar með styttist leiðin milli Norðurlands og Austurlands en áður þurfti að fara um Öxarfjörð.
• 1949-1950: Gamla brúin yfir Þjórsá reist og leysti af hólmi fyrstu Þjórsárbrúna. Síðar leyst af hólmi með nýrri brú.
• 1952: Brúin yfir Jökulsá í Lóni reist.
• 1958: Núverandi Lagarfljótsbrú reist.
• 1961: Brúin yfir Hornafjarðarfljót reist.
• 1962: Núverandi Blöndubrú á Blönduósi reist.
• 1967: Brú yfir Jökulsá á Breiðamerkursandi reist.
• 1967: Núverandi brú yfir Jökulsá á Sólheimasandi reist.
• 1967: Brúin yfir Eldvatn hjá Ásum reist eftir að sú fyrri hrundi. Síðar leyst af hólmi með tilkomu Kúðafljótsbrúar.
• 1968: Núverandi brú yfir Fnjóská hjá Nesi reist. Hún leysti af hólmi gömlu Fnjóskárbrúna frá 1908.
• 1972: Lokið var við að leggja nýjan veg milli Reykjavíkur og Selfoss og hann lagður bundnu slitlagi. Hann er enn að mestu óbreyttur.
• 1972: Núverandi brú yfir Skjálfandafljót hjá Fosshóli reist. Hún leysti af hólmi gömlu brúna sem enn stendur.
• 1974: Lokið var við veginn yfir Skeiðarársand og þar með síðasta hlutann af Hringveginum. Brýr voru byggðar á Skeiðará, Sandgígjukvísl og Núpsvötn sem allar töldust meðal fimm lengstu brúa landins.
• 1979-1980: Lokið var við að byggja Borgarfjarðarbrúna, næstlengstu brú landsins. Leysti hún af hólmi veginn um Hvanneyri og Hvítárvelli.
• 1980: Lokið var við að leggja bundið slitlag milli Selfoss ög Hvolsvallar.
• 1981: Núverandi brú yfir Héraðsvötn byggð. Hún leysti af hólmi eldri brú á Grundarstokki.
• 1983-1986: Vegurinn um Víkurskarð tekinn í notkun. Hann leysti af hólmi veginn um Vaðlaheiði.
• 1986: Nýr vegur yfir leirurnar í botni Eyjafjarðar opnaður. Leysti af hólmi þrjár eldri brýr sem stóðu fyrir innan Akureyrarflugvöll.
• 1988: Nýr og betri vegur yfir Mýrdalssand lagður. Leysti af hólmi veg sem lá inn undir Hafursey.
• Um 1990: Lokið var við að leggja bundið slitlag á veginn fyrir Hvalfjörð og þar með milli Reykjavíkur og Borgarness.
• 1990: Ný brú yfir Múlakvísl reist. Hana tók af síðar í jökulhlaupi árið 2011.
• 1991-1992: Núverandi brú yfir Markarfljót tekin í notkun. Leysti af hólmi gömlu brúna frá 1933 og stytti leiðina milli Hvolsvallar og Víkur í Mýrdal nokkuð. Með þessari framkvæmd komst á bundið slitlag milli Hvolsvallar og Víkur í Mýrdal.
• 1993: Brúin yfir Kúðafljót reist. Stytti hún leiðina milli Víkur í Mýrdal og Kirkjubæjarklausturs nokkuð.
• 1994: Núverandi brú á Jökulsá á Dal reist og leysti af hólmi gamla brú og veg með kröppum beygjum.
• 1994-1995: Lokið var við að leggja bundið slitlag á síðustu kaflana milli Reykjavíkur og Akureyrar.
• 1996: Stórt jökulhlaup á Skeiðarársandi tók af brúna yfir Sandgígjukvísl, skemmdi Skeiðarárbrúna og einnig stóran hluta af veginum yfir Skeiðarársand.
• 1996-1998: Hvalfjarðargöngin voru grafin og opnuð 1998. Leystu þau af hólmi gamla veginn fyrir Hvalfjörð. Þau voru fyrstu jarðgöngin á Hringveginum og jafnframt fyrstu neðansjávargöngin á Íslandi.
• 1998: Ný brú yfir Sandgígjukvísl tekin í notkun í stað þeirrar sem fór í hlaupinu 1996.
• 1999-2000: Síðasti kaflinn milli Víkur í Mýrdal og Hafnar í Hornafirði lagður bundnu slitlagi.
• 2000: Lagður var nýr vegur í nokkurri fjarlægð frá Grímsstöðum á Fjöllum sem stytti Hringveginn nokkuð.
• 2000: Nýr vegur um Háreksstaðaleið var tekinn í notkun í stað vegarins um Möðrudalsfjallgarða. Þar með var komin ágæt heilsársleið á milli Norðurlands og Austurlands.
• 2003: Núverandi Þjórsárbrú var reist og leysti af hólmi brúna frá 1949/1950. Vegurinn styttist örlítið.
• 2004-2005: Göng undir Almannaskarð grafin og opnuð 2005. Leystu þau af hólmi veginn um Almannaskarð og þar með bröttustu brekkuna á Hringveginum sem hafði 16,5% halla.
• 2004-2008: Vesturlandsvegur frá Reykjavík og upp í Mosfellsbæ breikkaður frá tveimur akreinum í fjórar. Nokkur mislæg gatnamót reist á svipuðum tíma.
• 2005: Nýr þriggja akreina vegur um Svínahraun og ný vegamót við Þrengslaveg tekin í notkun.
• 2007: Nýr vegur um Norðurárdal í Skagafirði tekinn í notkun sem leysti af hólmi fjórar einbreiðar brýr.
• 2007-2008: Vegurinn um Arnórsstaðamúla endurgerður og lagður bundnu slitlagi. Þar með var komið bundið slitlag milli Akureyrar og Egilsstaða.
• 2008: Nýr vegur og brú um Hrútafjarðarbotn byggð. Leystu þau af hólmi einbreiða brú og gömlu brúna yfir Hrútafjarðará hjá Brú. Nýr Staðarskáli reistur vegna breytinganna.
• 2008: Endurbættur vegur um Stafholtstungur og Norðurárdal tekinn í notkun en fyrir endurbætur var hann einn af hættulegustu köflunum á Hringveginum.
• 2010-2011: Vegurinn um Sandskeið breikkaður úr tveimur akreinum í fjórar.
• 2011: Brúna yfir Múlakvísl tók af í jökulhlaupi. Bráðabrigðabrú reist á um 100 klukkustundum frá því að brúna tók af.
• 2013-2015: Vegurinn um Hellisheiði breikkaður í þrjár akreinar.
• 2013-2018: Vaðlaheiðargöng grafin.
• 2014: Ný brú yfir Múlakvísl reist í stað þeirrar sem tók af árið 2011.
• 2016-2017: Ný brú yfir Morsá reist. Hún leysti af hólmi Skeiðarárbrúna sem nú stendur að mestu á þurru og orðin léleg og þarfnast viðhalds.
• 2017: Hringvegurinn var færður af malarveginum á Breiðdalsheiði og yfir á Suðurfirðina og veginn um Fagradal en þeir voru með bundnu slitlagi.
• 2018: Vaðlaheiðargöng opnuð. Leystu þau af hólmi veginn um Víkurskarð.
• 2019: Lokið var við að leggja bundið slitlag á kaflann um Berufjarðarbotn. Þar með var síðasti kaflinn á Hringveginum lagður bundnu slitlagi og hægt að aka allan hringinn án þess að rekast á malarkafla, 45 árum eftir að hringnum var lokað með vígslu Skeiðarárbrúar og vegarins um Skeiðarársand.
• 2019-2023: Vegurinn milli Hveragerðis og Selfoss breikkaður í þrjár akreinar.

Sandgígjukvísl - Kirkjubæjarklaustur (41 km)

Vegurinn liggur um Skeiðarársand, Fljótshverfi og Síðu.

Vestur-Skaftafellssýsla

• Upphafspunktur: Sýslumörk Austur-Skaftafellssýslu og Vestur-Skaftafellssýslu skammt frá Sandgígjukvísl.
•   Súla/Núpsvötn: 420 m - einbreið með tveimur útskotum (1973).
•   Súla/Núpsvötn: Ný brú.
• Slóði í Núpsstaðarskóga   (illfær).
• Lómagnúpur.
• Núpsstaður: Bænhúsið á Núpsstað.   Lokað vegna átroðnings.  
•   Djúpá í Fljótshverfi: 60 m (2001).
• 201 Vallavegur frá Brúará og aftur á Hringveginn við Brunná (1).
• 201 Vallavegur frá Brunná og aftur á Hringveginn við Brúará (1).
•   Hverfisfljót: 60 m - einbreið (1968).
•   Hverfisfljót: Ný brú.
• Brunahraun
• Orrustuhóll
•   Fossálar: 36 m - einbreið (1972)
• Dverghamrar  .
• Foss á Síðu  .
•   Fossálar - Hörgsá: Stytting og betri vegur án blindhæða og einbreiðra brúa.
• 202 Prestsbakkavegur frá Breiðbalakvísl, framhjá Prestsbakka að Mörtungu 1.
•   Breiðbalakvísl: 166 m - einbreið (1972).
•   Breiðbalakvísl: Ný brú.
• Stjórnarsandur
•   Kirkjubæjarklaustur.
•  : 203 Geirlandsvegur frá Skaftárbrú að Geirlandi (Kirkjugólf  , Stjórnarfoss  ). / 205 Klausturvegur frá Skaftárbrú að Kirkjubæjarklaustri.

Kirkjubæjarklaustur - Vík í Mýrdal (72 km)

Vegurinn liggur um Eldhraun og Mýrdalssand.

Vestur-Skaftafellssýsla

•   Skaftárbrú á Skaftá: Tvær brýr, 20 og 26 m (2003).
• 204 Meðallandsvegur frá Skaftárbrú niður í Landbrot og Meðalland.
• Systrastapi.
•   Kirkjubæjarklaustur.
• 206 Holtsvegur frá Ytri-Dalbæ að Heiði. (Fjaðrárgljúfur   / F206 áfram að Lakagígum  .)
• Eldhraun.
• 208 Skaftártunguvegur frá Ásum upp í Skaftártungu. (F208 og F210 framhald af þessari leið.)
• 204 Meðallandsvegur frá Hringveginum niður í Meðalland.
•   Kúðafljót: 302 m (1993).
• 209 Hrífunesvegur frá Laufskálavörðu um Hrífunes og áfram í Skaftártungu. Laufskálavarða  .
•   Skálm: 44 m (1994).
• 211 Álftaversvegur frá Skálm niður í Álftaver. (Liggur að 212.) Álftavershólar.  
• Mýrdalssandur.
• Hjörleifshöfði.  
•   Múlakvísl: 162 m (2014).
• Múlakvísl.  
• 214 Kerlingardalsvegur frá Höfðabrekku að Kerlingardal og áfram að Þakgili (lokað á veturna  ).
•   Vík í Mýrdal.

Vík í Mýrdal - Hvolsvöllur (80 km)

Vegurinn liggur um Reynisfjall, Mýrdal, Sólheimasand/Skógasand, Eyjafjöll og Landeyjar.

Vestur-Skaftafellssýsla

•   Um Reynisfjall og Mýrdal: Jarðgöng undir Reynisfjall og nýr vegur um Mýrdal nær sjónum. Rekstur vegarins verður fjármagnaður með veggjöldum  .
• Slóði frá Vík í Mýrdal upp á Reynisfjall. Einn brattasti vegur landsins.  
•   Vík í Mýrdal.
•  Reynisfjall: 119 m.y.s. hefst hér.
• 215 Reynishverfisvegur frá Gatnabrún á Reynisfjalli, um Reynishverfi og að bílastæðinu við Reynisfjöru  .
•   Um Gatnabrún: Nýr og endurbættur vegur með minna kröppum beygjum en áður.
•  Reynisfjall: 119 m.y.s. endar hér.
• Mýrdalur
• 218 Dyrhólavegur frá Litla-Hvammi um Dyrhóla og Loftsalahelli   að Dyrhólaey  .
•   Klifandi: 65 m (2003).
• 219 Péturseyjarvegur frá Hringveginum vestan Klifanda umhverfis Pétursey og á Hringveginn aftur (1).
• Pétursey.
• 219 Péturseyjarvegur frá Hringveginum umhverfis Pétursey og á Hringveginn aftur vestan Klifanda (1).
• 222 Mýrdalsjökulsvegur frá Hringveginum, um Ytri-Sólheima og áfram upp að Mýrdalsjökli  .
• Sólheimasandur
• Bílastæði og slóði að flugvélarflaki Douglas DC-35 Super Dakota sem nauðlenti árið 1973.   Slóðinn er lokaður almennri umferð.  
• 221 Sólheimajökulsvegur frá brúnni yfir Jökulsá á Sólheimasandi að Sólheimajökli  .
•   Jökulsá á Sólheimasandi: 159 m - einbreið (1967).
•   Jökulsá á Sólheimasandi: Ný brú.
• Sýslumörk Vestur-Skaftafellssýslu og Rangárvallasýslu.

Rangárvallasýsla

• Skógasandur
• 2420 Skógavegur frá Hringveginum að Skógum   og Skógafossi  .
• 242 Raufarfellsvegur frá Kaldaklifsá um Raufarfell, hjá veginum inn til Seljavallalaugar   og aftur á Hringveginn hjá Svaðbælisá (1).
• 242 Raufarfellsvegur frá Svaðbælisá hjá veginum inn til Seljavallalaugar  , um Raufarfell og aftur á Hringveginn hjá Kaldaklifsá (1).
• 243 Leirnavegur frá Svaðbælisá og á Hringveginn aftur við Steina (1).
• Þorvaldseyri
• 243 Leirnavegur frá Steinum og á Hringveginn aftur við Svaðbælisá (1).
• Steinar
• 245 Hverfisvegur frá Holti og aftur á Hringveginn hjá Írá (1).
• 246 Skálavegur frá Hringveginum vestan Holtsár um Ásólfsskála og aftur á Hringveginn austan Hvamms (1).
• 245 Hverfisvegur frá Hringveginum hjá Írá og aftur á Hringveginn hjá Holti (1).
• 246 Skálavegur frá Hringveginum austan Hvamms um Ásólfsskála og aftur á Hringveginn vestan Holtsár (1).
• 247 Sandhólmavegur frá Hvammi og aftur á Hringveginn hjá Heimalandi (1).
• 247 Sandhólmavegur frá Heimalandi og aftur á Hringveginn hjá Hvammi (1).
• Paradísarhellir.  
• 249 Þórsmerkurvegur frá Seljalandi að Seljalandsfossi   og áfram í áttina að gömlu Markarfljótsbrúnni. F249 liggur áfram inn í Þórsmörk  .
•   Markarfljótsbrú yfir Markarfljót: 250 m (1991).
• 254 Landeyjahafnarvegur frá Markarfljóti og niður með því til Landeyjahafnar.   Ferja til Vestmannaeyja (Herjólfur).
• 250 Dímonarvegur frá Steinmóðarbæ framhjá Stóra-Dímon og inn í Fljótshlíð. / 251 Hólmabæjavegur frá Steinmóðarbæ um Austur-Landeyjar.
• 2418 Auravegur frá Vorsabæ að Dímonarvegi (250).
• 253 Bakkavegur frá Affalli, um Austur-Landeyjar og að   Bakkaflugvelli.
• 255 Akureyjarvegur frá Hemlu niður Vestur-Landeyjar og að Akurey.
• 252 Landeyjavegur frá brúnni yfir Þverá og niður með Þverá og um Vestur-Landeyjar.
•   Þverá í Fljótshlíð: 54 m (2002).
•   Hvolsvöllur.
• 261 Fljótshlíðarvegur frá Hvolsvelli og inn í Fljótshlíð.

Hvolsvöllur - Hella (13 km)

Vegurinn liggur um Rangárvelli.

Rangárvallasýsla

•   Hvolsvöllur.
•   Eystri-Rangá: 44 m (1969).
• 264 Rangárvallavegur frá Eystri-Rangá um Hof að Keldum  .
• 266 Oddavegur frá Hringveginum að Odda  .
• 267 Selalækjarvegur frá Varmadal að Selalæk.
• 264 Rangárvallavegur frá Hróarslæk um Gunnarsholt og áfram að Keldum  .
•   Hella.
•  : Þrúðvangur / Rangárbakki.

Hella - Selfoss (36 km)

Vegurinn liggur um Ásahrepp og Flóa.

Rangárvallasýsla

•   Ytri-Rangá: 84 m (1960).
•   Hella.
• 25 Þykkvabæjarvegur frá Ægissíðu um Safamýri og niður í Þykkvabæ.
• 271 Árbæjarvegur frá Bjargi að Árbæ.
• 273 Bugavegur frá Lyngási að Vetleifsholtshverfi,
•   Rauðalækur.
• Vegamót.
• 26 Landvegur frá Vegamótum um Holt og Landsveit að Galtalæk og Heklu  . (Heldur síðan áfram sem Sprengisandsleið F26). / 275 Ásvegur frá Vegamótum um Áshverfi að Sandhólaferju.
• 281 Sumarliðabæjavegur frá Sléttalandi um Sumarliðabæ á Landveg (26).
• 282 Ásmundarstaðavegur frá Selssandi að Ásmundarstöðum.
• 288 Kálfholtsvegur frá Einbúa um Hamra og Kálfholt og aftur á Hringveginn á Lónsheiði (1).
• 284 Heiðarvegur frá Hringveginum að Gíslholti.
• 288 Kálfholtsvegur frá Lónsheiði um Kálfholt og Hamra og aftur á Hringveginn hjá Einbúa (1).
•   Þjórsárbrú á Þjórsá: 170 m (2003).
• Sýslumörk Rangárvallasýslu og Árnessýslu.

Árnessýsla

• 302 Urriðafossvegur frá Þjórsárbrú um Urriðafoss   að Villingaholti.
• 30 Skeiða- og Hrunamannavegur frá Hringveginum um Skeið og áfram í Hrunamannahrepp.
• Bitra.
• 303 Ölvisholtsvegur frá Kjartansstöðum að Ölvisholti.
• Þingborg
• Aðalskurður Flóaáveitunnar.
• 304 Oddgeirshólavegur frá Hraungerði um Stóru-Reyki að Oddgeirshólum.
• 305 Villingaholtsvegur frá Hringveginum um Villingaholt og niður með Þjórsá að Fljótshólum.
• 318 Langholtsvegur frá Túni að Langholti.
•   Brú á Ölfusá norðaustan Selfoss: Vegur utan við bæinn. Rekstur vegarins verður fjármagnaður með veggjöldum  .
•   Selfoss
•  : 33 Gaulverjabæjarvegur frá Selfossi niður í Gaulverjabæ og áfram að Stokkseyri.
• Vegur að Laugardælum.
•   Tryggvatorg: Eyrarvegur: 34 Eyrarbakkavegur frá Selfossi að Eyrarbakka.

Selfoss - Hveragerði (12 km)

Vegurinn liggur um Ölfus.

Árnessýsla

•   Ölfusárbrú á Ölfusá: 132 m (1945).
•  : 3710 Árbæjarvegur vestri frá Selfossi að Árbæjarhverfi. / Hrísmýri.
•   Selfoss.
• 35 Biskupstungnabraut frá Selfossi upp í Uppsveitir Árnessýslu og að Geysi   og Gullfossi  .
•   Selfoss - Hveragerði: Breikkun og á köflum nýr vegur sem verður byggður sem 2+1 vegur. Hliðarvegir gerðir til að fækka vegamótum. Framkvæmdir hófust 2019 og áætluð verklok eru 2023.
• Ingólfsfjall.
• Kögunarhóll  .
• 374 Hvammsvegur frá Kögunarhóli um Hvamm, Gljúfur og Sogn og á Hringveginn aftur vestan Kotstrandar (1).
• 375 Arnarbælisvegur frá Kotströnd að Ósgerði.
• 374 Hvammsvegur frá Hringveginum vestan Kotstrandar um Sogn, Gljúfur og Hvamm og á Hringveginn aftur hjá Kögunarhóli (1).
• Vegur að Ölfusborgum.
•   Hveragerði.
• Grænamörk að heilsuhæli Náttúrulækningafélags Íslands (NLFÍ).
•  : 38 Þorlákshafnarvegur um Ölfus og niður í Þorlákshöfn. / 376 Breiðamörk í miðbæ Hveragerðis og áfram upp í Reykjadal  .

Hveragerði - Reykjavík (37 km)

Vegurinn liggur um Hellisheiði, Svínahraun, Sandskeið og Lækjarbotna.

Árnessýsla

•   Hveragerði.
•  Hellisheiði: 374 m.y.s. hefst hér (2+2 vegur í Kömbum  , 2+1 vegur á heiðinni  ).
• Kambar.
• Útsýnisstaður á Kömbum   (aðeins á leið til Hveragerðis).
• Vegur að Hellisheiðarvirkjun.  
• Hveradalabrekka.
•  Hellisheiði: 374 m.y.s. endar hér.
• 378 Skíðaskálavegur frá Reykjafelli að Skíðaskálanum í Hveradölum  . Vegurinn liggur einnig að Hellisheiðarvirkjun.
•   2+1 vegur að Litlu-Kaffistofu.
• Svínahraun.
•   39 Þrengslavegur frá Svínahrauni um Þrengsli og niður í Ölfus að Þorlákshöfn.
• Draugahlíðabrekka.
• Litla-Kaffistofan  .
•   2+2 vegur að Fossvöllum.
• Sýslumörk Árnessýslu og Kjósarsýslu.

Kjósarsýsla

• Vegur í Jósefsdal.
• Sandskeið.
• 417 Bláfjallavegur frá Fóelluvötnum upp í Bláfjöll   og að Þríhnúkagíg.  
•   2+1 vegur um Lögbergsbrekku.
•   Fossvellir - Hólmsá: Breikkun í 2+2 veg.
• Vegur að Waldorfsskóla í Lækjarbotnum.
• Lögbergsbrekka.
•  
• Gunnarshólmi
• Vegur að Silungapolli og áfram í Heiðmörk  . Vegurinn er lokaður við mörk Heiðmerkur.  
•   Hólmsá - Norðlingavað: Breikkun í 2+2 veg.
• Mörk lögsagnarumdæmis Reykjavíkur.

Reykjavík

• 435 Nesjavallaleið frá Geithálsi um Hólmsheiði að Miðdal og áfram til Nesjavalla.   Leiðin til Nesjavalla er lokuð á veturna  .
• Heiðmerkurvegur frá Rauðhólum   í Heiðmörk  .
•   Reykjavík.
•  : Norðlingavað inn í Norðlingaholt. / Vegbrekkur inn í Almannadal.
•   Norðlingavað - Breiðholtsbraut: Breikkun í þröngan 2+2 veg.
•  : 413 Breiðholtsbraut frá Rauðavatni upp í Breiðholt og áfram í Kópavog. (Tengivegur fyrir 41 til Hafnarfjarðar og Keflavíkur).
•   Breiðholtsbraut - Bæjarháls: Breikkun í 2+2 veg.
•    : Bæjarháls inn í Árbæ / Selás / Hádegismóar.
•   2+2 frá Bæjarhálsi að Vesturlandsvegi.
•    : Vesturlandsvegur: 49 Nesbraut frá Smálöndum inn til Reykjavíkur. 1 víkur fyrir 49  .

Reykjavík - Borgarnes (66 km)

Vegurinn liggur um Mosfellsbæ, Kollafjörð, Kjalarnes, Hvalfjarðargöng, Akrafjall, Leirársveit, Hafnarfjall og Borgarfjarðarbrú.

Reykjavík

•   2+2 vegur frá Nesbraut (49) að Þingvallavegi (36)
•    : Stórhöfði (aðeins á leið til Reykjavíkur).
•    : Víkurvegur/Reynisvatnsvegur/Þúsöld: Grafarvogur/Grafarholt.
•  : Lambhagavegur: Úlfarsárdalur/Korputorg/Bauhaus.
•    : Fráreinar að Bauhaus (aðeins á leið til Borgarness) og Korputorgi (aðeins á leið til Reykjavíkur).
•   Reykjavík.
• Mörk lögsagnarumdæmis Reykjavíkur.

Kjósarsýsla

•  : Korpúlfsstaðavegur: Grafarvogur.
•   Mosfellsbær.
•  : Skarhólabraut/Baugahlíð: Mosfellsbær.
•  : Langitangi: Mosfellsbær / Vegur að Lágafellskirkju.
•  : Þverholt/Reykjavegur: Mosfellsbær-miðbær / Reykjalundur/Hafravatn.
•    : Frárein að Háholti í Mosfellsbæ (aðeins á leið til Reykjavíkur).
•  : Álafossvegur niður í Álafosskvos og upp í Helgafellsland.
•   Mosfellsbær.
•  : 36 Þingvallavegur frá Helgafelli inn í Mosfellsdal og áfram til Þingvalla  .
•  
•    : Leirvogstunga í Mosfellsbæ.
• Mörk lögsagnarumdæmis Reykjavíkur.

Reykjavík

• Esjurætur: Esjan (Esja): Gönguleið á Esjuna  .
•   Um Kjalarnes; Kollafjörður - Hvalfjarðarvegur: Breikkun í 2+1 veg. Framkvæmdir hófust 2020 og áætluð verklok eru 2023.
•   Grundarhverfi á Kjalarnesi.
• 458 Brautarholtsvegur frá Grundarhverfi um Arnarholt að Brautarholti.
•   Grundarhverfi á Kjalarnesi.
• 47 Hvalfjarðarvegur frá Saurbæ um Tíðaskarð og í Kjós og áfram inn í botn Hvalfjarðar. (Varaleið fyrir Hvalfjarðargöngin).
•   Hvalfjarðargöng: 5770 m (1998). Brekkan að norðanverðu er 2+1 vegur  .
• Mörk lögsagnarumdæmis Reykjavíkur.

Borgarfjarðarsýsla

•  
•  : 51 Akrafjallsvegur frá Hvalfjarðargöngum til Akraness.
• 506 Grundartangavegur frá Galtarlæk að verksmiðjunum og höfninni á Grundartanga.
• 51 Akrafjallsvegur frá Urriðaá til Akraness.
•   Melahverfi í Hvalfirði.
• 5033 Hagamelsvegur um Melahverfi og áfram að Eiðisvatni.
• 47 Hvalfjarðarvegur frá Laxárbakka um Hvalfjarðarströnd og inn í botn Hvalfjarðar. (Varaleið fyrir Hvalfjarðargöngin).
• 504 Leirársveitarvegur frá Leirárbrú um Leirársveit og inn í Svínadal.
• 505 Melasveitarvegur frá Skorholti um Melasveit og aftur á Hringveginn hjá Fiskilæk (1).
• 505 Melasveitarvegur frá Fiskilæk um Melasveit og aftur á Hringveginn hjá Skorholti (1).
• Vegur að sumarhúsahverfi við Ölver.
• 50 Borgarfjarðarbraut frá Seleyri til Hvanneyrar og áfram í uppsveitir Borgarfjarðar.
•   Borgarfjarðarbrú yfir Borgarfjörð: 520 m (1979).

Mýrasýsla

•   Borgarnes
•  : Borgarbraut frá Brúartorgi niður í miðbæ Borgarness. 1 víkur fyrir Borgarbraut  .

Borgarnes - Staðarskáli (89 km)

Vegurinn liggur um Stafholtstungur, Norðurárdal og Holtavörðuheiði.

Mýrasýsla

•  : 54 Snæfellsnesvegur frá Borgarnesi um Mýrar og Hnappadal og áfram út á Snæfellsnes.
•   Borgarnes.
• 530 Ferjubakkavegur frá Belgalda um Ferjubakka og að Hvítárvallavegi (510).
• 510 Hvítárvallavegur frá Eskiholti um Ferjukot og að Hvítárbrú.
• Svignaskarð.  
• 553 Langavatnsvegur frá Svignaskarði að orlofshúsahverfinu í Svignaskarði og áfram að Langavatni.
•   Gljúfurá: 63 m (1962).
• 50 Borgarfjarðarbraut frá Baulu um Stafholtstungur og áfram í uppsveitir Borgarfjarðar.
• Vegur að Munaðarnesi.
• Grábrókarhraun
• Glanni   í Norðurá ásamt Paradísarlaut  .
• Hreðavatn
•   Bifröst.
• 5240 Bifrastarvegur frá Hringveginum að Bifröst.
• Hreðavatnsskáli
• Grábrók.  
• 528 Norðurárdalsvegur frá Grábrók, yfir Norðurá og inn Norðurárdal að austanverðu.
• 60 Vestfjarðavegur frá Dalsmynni um Bröttubrekku, um Dali og áfram að Vestfjörðum.
• Baula
• 528 Norðurárdalsvegur frá Króki, yfir Norðurá og út Norðurárdal að austanverðu.
•  Holtavörðuheiði: 407 m.y.s. hefst hér.
• Fornihvammur
• Heiðarsporðsbrekka og Biskupsbeygja
• Hæðarsteinsbrekka

Strandasýsla

• Miklagil
•  Holtavörðuheiði: 407 m.y.s. endar hér.
• Brú í Hrútafirði
• 701 Hrútatunguvegur frá Brú í Hrútafirði, um Hrútatungu að Stað í Hrútafirði og aftur á Hringveginn (1).
• F586 Haukadalsskarðsvegur frá Ormsá um Haukadalsskarð og yfir í Haukadal í Dölum.
• Staðarskáli

Staðarskáli - Blönduós (80 km)

Vegurinn liggur um Hrútafjörð, Hrútafjarðarháls, Miðfjörð, Línakradal, Víðidal, Vatnsdal og Ása.

Blönduós - Varmahlíð (51 km)

Vegurinn liggur um Langadal og Vatnsskarð.

Varmahlíð - Akureyri (94 km)

Vegurinn liggur um Blönduhlíð, Norðurárdal, Öxnadalsheiði, Öxnadal, Hörgárdal og Kræklingahlíð.

Akureyri - Reykjahlíð (83 km)

Vegurinn liggur um Vaðlaheiðargöng, Fnjóskadal, Ljósavatnsskarð, Fljótsheiði, Reykjadal, Mývatnsheiði og norðan Mývatns.

Reykjahlíð - Egilsstaðir (165 km)

Vegurinn liggur um Námaskarð, Mývatnsöræfi, Biskupsháls, Vegaskarð, Möðrudalsöræfi, Jökuldalsheiði, Jökuldal, Lágheiði, Fellabæ og Lagarfljót.

Egilsstaðir - Reyðarfjörður (31 km)

Vegurinn liggur um Fagradal.

Reyðarfjörður - Fáskrúðsfjörður (16 km)

Vegurinn liggur um Reyðarfjörð, Fáskrúðsfjarðargöng og Daladal.

Fáskrúðsfjörður - Stöðvarfjörður (26 km)

Vegurinn liggur um Fáskrúðsfjörð, Gvendarnes og Stöðvarfjörð.

Stöðvarfjörður - Breiðdalsvík (17 km)

Vegurinn liggur um Stöðvarfjörð, Kambaskriður og Breiðdalsvík.

Breiðdalsvík - Djúpivogur (60 km)

Vegurinn liggur um Streitishvarf og Berufjörð.

Djúpivogur - Höfn í Hornafirði (98 km)

Vegurinn liggur um Hamarsfjörð, Álftafjörð, Hvalnes- og Þvottárskriður, Lón, Almannaskarðsgöng og Skarðsfjörð.

Höfn í Hornafirði - Jökulsárlón (75 km)

Vegurinn liggur um Hornafjörð, Mýrar, Suðursveit og Breiðamerkursand.

Austur-Skaftafellssýsla

•   Um Hornafjarðarfljót: Gerð vegar nær Höfn í Hornafirði yfir ósa Hornafjarðarfljóts. Styttir hringveginn um 11 kílómetra.
• 982 Flugvallarvegur Hornafirði frá Seljavöllum að   Hornafjarðarflugvelli.
•   Nesjahverfi í Hornafirði.
•   Nesjahverfi í Hornafirði.
• Þveit.
•   Hoffellsá: 60 m - einbreið (1960).
• 984 Hoffellsvegur frá Hoffellsá að Hoffelli 1. (Liggur að 983).
•   Hornafjarðarfljót: 254 m - einbreið (1961).
• 986 Rauðabergsvegur frá Viðborðsseli að Hlíðarbergi.
•   Holtakíll: 50 m - einbreið (1970).
• Slóði að Fláajökli (illfær).  
• Gamla brúin yfir Heinabergsvötn.      : 38 m - einbreið (1948).
•   Kolgríma: 77 m - einbreið (1977).
• Skálafell.
• F985 Jökulvegur frá Smyrlabjörgum að Smyrlabjargavirkjun og áfram inn að Skálafellsjökli.
•   Steinavötn á Steinasandi: 102 m - einbreið (1964). (Brúin skemmdist í vatnavöxtum árið 2017. Verið er að reisa nýja brú).
• Hali: Þórbergssetur.  
• Breiðamerkursandur.
• Jökulsárlón.  

Jökulsárlón - Skaftafell (54 km)

Vegurinn liggur um Breiðamerkursand og Öræfi.

Austur-Skaftafellssýsla

•   Jökulsá á Breiðamerkursandi: 108 m - einbreið (1967).
•   Jökulsá á Breiðamerkursandi: Ný brú og vegur nær Jökulsárlóni.
• Breiðamerkursandur.
•   Fjallsá í Öræfum: 128 m (1996).
• Kvísker.
• Fagurhólsmýri.
• Slóði frá Fagurhólsmýri í áttina að Ingólfshöfða.  
• Hof: Gamla kirkjan á Hofi.  
•   Kotá: 48 m - einbreið (1965).
•   Um Kotá. Ný brú í stað einbreiðrar brúar.
• Sandfell: Öræfajökull: Gönguleið á Hvannadalshnjúk.  
•   Virkisá: 37 m - einbreið (1958).
•   Um Virkisá. Ný brú í stað einbreiðrar brúar.
•   Virkisá - Morsá. Stytting um 5 km og fækkun um fjórar einbreiðar brýr.
• Svínafell.
•   Svínafellsá: 34 m - einbreið (1965).
• Freysnes.
•   Skaftafellsá: 51 m - einbreið (1954).
• 998 Skaftafellsvegur frá Hringveginum að þjónustumiðstöðinni í Skaftafelli.   

Skaftafell - Sandgígjukvísl (26 km)

Vegurinn liggur um Skeiðarársand.

Austur-Skaftafellssýsla

•   Skeiðarárhlaupið 1996.  
• Skeiðarárbrú yfir Skeiðará      : 880 m - einbreið með fimm útskotum (1974). Brúin var aflögð árið 2017.
• Skeiðarársandur
• Gígjukvísl: Slóði að brúarstæði bráðabrigðabrúarinnar frá 1996.  
•   Sandgígjukvísl (Gígjukvísl): 336 m (1998).
• Endapunktur: Sýslumörk Austur-Skaftafellssýslu og Vestur-Skaftafellssýslu skammt frá Sandgígjukvísl.

 

Wiki Commons er með margmiðlunarefni sem tengist Þjóðvegi 1.

• Nú stækkar landið; grein í Morgunblaðinu 1974
• Þjóðskjalasafn Íslands - Hringvegur um Ísland