न्यू मेक्सिको
न्यू मेक्सिको (इंग्लिश: New Mexico; उच्चार ) हे अमेरिकेचे एक राज्य आहे.
अमेरिकेच्या नैऋत्य भागात वसलेले न्यू मेक्सिको क्षेत्रफळाच्या दृष्टीने अमेरिकेमधील पाचवे तर लोकसंख्येच्या दृष्टीने ३६व्या क्रमांकाचे राज्य आहे. हे राज्य देशात सहाव्या क्रमांकाचे तुरळक लोकवस्तीचे आहे. अमेरिकन संघात सामील होणारे न्यू मेक्सिको हे ४७वे राज्य होते.
| न्यू मेक्सिको New Mexico | |||||||||||
 अमेरिका देशाचे राज्य | |||||||||||
| |||||||||||
| अधिकृत भाषा | - | ||||||||||
| इतर भाषा | इंग्लिश, स्पॅनिश | ||||||||||
| राजधानी | सांता फे | ||||||||||
| मोठे शहर | आल्बुकर्की | ||||||||||
| क्षेत्रफळ | अमेरिकेत ५वा क्रमांक | ||||||||||
| - एकूण | ३,१५,१९४ किमी² | ||||||||||
| - रुंदी | ५५० किमी | ||||||||||
| - लांबी | ५९५ किमी | ||||||||||
| - % पाणी | ०.२ | ||||||||||
| लोकसंख्या | अमेरिकेत ३६वा क्रमांक | ||||||||||
| - एकूण | २०,५९,१७९ (२०१० सालच्या गणनेनुसार) | ||||||||||
| - लोकसंख्या घनता | ६.२७/किमी² (अमेरिकेत ४५वा क्रमांक) | ||||||||||
| संयुक्त संस्थानांमध्ये प्रवेश | ६ जानेवारी १९१२ (४७वा क्रमांक) | ||||||||||
| संक्षेप | US-NM | ||||||||||
| संकेतस्थळ | www.newmexico.gov | ||||||||||
न्यू मेक्सिकोच्या दक्षिणेला मेक्सिकोचे शिवावा राज्य, नैऋत्येला सोनोरा राज्य, पश्चिमेला अ‍ॅरिझोना, वायव्येला युटा, उत्तरेला कॉलोराडो, ईशन्येला ओक्लाहोमा तर पूर्वेला व आग्नेयेला टेक्सास ही राज्ये आहेत. सांता फे ही न्यू मेक्सिकोची राजधानी तर आल्बुकर्की हे सर्वात मोठे शहर आहे. रियो ग्रांदे ही उत्तर अमेरिकेमधील एक नदी येथील सर्वात मोठी नदी आहे.
लॅटिन अमेरिकन वंशाच्या रहिवाशांच्या टक्केवारीमध्ये न्यू मेक्सिकोचा अमेरिकेत प्रथम क्रमांक आहे (४४.५ टक्के). येथील २९ टक्के रहिवाशांची मातृभषा स्पॅनिश आहे. तसेच येथे नावाहो व पेब्लो ह्या स्थानिक आदिवासी वंशाचे लोक मोठ्या प्रमाणावर वास्तव्य करून आहेत. ह्यामुळे न्यू मेक्सिकोच्या समाजावर स्थानिक अमेरिकन व मेक्सिकन संस्कृतीचा मोठा पगडा आहे.
खनिज तेल व वायु, संरक्षण व पर्यटन हे न्यू मेक्सिकोमधील सर्वात मोठे उद्योग आहेत. येथील अर्थव्यवस्था इतर राज्यांच्या तुलनेत कमकुवत आहे.
मोठी शहरे
- आल्बुकर्की - ५,४५,८५२
- लास क्रुसेस - ९७,६१८
- सांता फे - ७५,७६४
गॅलरी
-
सॅन मिगेल हे सांता फेमधील चर्च अमेरिकेतील सर्वात जुने चर्च आहे. -
न्यू मेक्सिकोमधील प्रमुख रस्ते व महामार्ग. -
न्यू मेक्सिको राज्य विधान भवन. -
न्यू मेक्सिकोचे प्रतिनिधित्व करणारे २५ सेंट्सचे नाणे.
बाह्य दुवे
 | विकिमीडिया कॉमन्सवर खालील विषयाशी संबंधित संचिका आहेत: |
This article uses material from the Wikipedia मराठी article न्यू मेक्सिको, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). इतर काही नोंद केली नसल्यास,येथील मजकूर CC BY-SA 4.0च्या अंतर्गत उपलब्ध आहे. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मराठी (DUHOCTRUNGQUOC.VN) is an independent company and has no affiliation with Wiki Foundation.