مانݣا
لمانݣا (ب جّاپونية 漫画) هيّا سمية ديال واحد نوع د لحجايات لمصورين ف جّاپون لّي بدا ف لقرن تسعطاش، ؤ كاتّستعمل نفس سّمية حتا برا جّاپون علا نفس نوع د لقيصاص سوا كانت جاپونية ؤلا لا، بشرط تكون بنفس سّتيل.
ف لّوغة جّاپونية كلمة مانݣا كتعني أي حجّايات مصورين كيفما كان سّتيل ديالهم. شّخص لّي كيرسم ؤ كيألف لقصة د مانݣا كيتسمّا مانݣاكا.
كاتّعتابر لمانݣا واحد ضّاهرة جتماعية لي كتبقشش تقريبا فݣاع لمواضيع (تاريخ، سياسة، تبزنيس، فلسفة) ؤفيها بزاف ديال نّواع (رّومانسية، لمغامرات، لخيال لعلمي، تّكوميك، لفانطازيا، لخلعة، سپور، لهنطاي ؤ غيرهم). ؤ فيها نواع لݣاع لعمار (سوا صْغار ؤلا لكبار). يمكن لينا نعتابرو لمانݣا من أنجح تجارب لعالمية ف ضّومين ديال لحجايات لمصورين لحقّاش كاين رّواج عليها ؤ كاتدخّل ف جّاپون فلوس بزاف.
جّاپون ؤ فرانسا هما أكتر بلدان كايستهلكو لمانݣا. من بين لمانݣات لمعروفين بزاف ؤ لي عندهم لمحبين ف لعالم كولو:
- وان پيس لي لمانݣاكا ديالها إييتشيرو أودا.
- لهجوم علا لعمالقة لي لمانݣاكا ديالها هاجيمي إيساياما.
- دراݣون بول لي لمانݣاكا ديالها أكيرا طورياما.
- ناروتو لي لمانݣاكا ديالها ماساشي كيشيموطو.
- ديث نوط لي لمانݣاكا ديالها تسوݣومي ؤبا.
عيون لكلام
 | تقدر تزيد شوف بزاف د تّصاور و لمعلومات ديال Manga ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article مانݣا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.