Benda Dessenhada Manga: Benda dessenhada

Pels articles omonims, vejatz Manga (omonimia).

En defòra de Japon aqueste tèrme s'utiliza per se referir al comic japonés e, per extension, a las bendas dessenhadas, quin que siá lor luòc de produccion, que l'imitan o mòstran de caracteristicas similaras. Lo mot manga ven dels mots man («involontari» o «comic») e ga («dessenh» o «pintura») e amb son sens literal «dessenhadas capriciosas», foguèt adoptat en 1814 per l'artista japonés Hokusai Katsuhika.

Actualament, lo genre manga constituís una part plan importanta del mercat editorial d'aquel país. Lo manga compren totes los genres e arriba a totes los publics, amb a mai d'adaptacions al cinèma (dessenhs animats o filmes d'animacion) e segur de jòcs vidèo. L'equivalent dels manga en animacion a per nom anime. En 1988, gràcias a la capitada de la version cinematografica d'"Akira", lo manga comença de se difusar internacionalament.