وليلي قوس النصر: معلامة ف وليلي، لمغريب

هو قوس د النصر لي تدار كا تشريف ل لإمبراطور الروماني كاراكالا Caracalla (حكم مابين عوام 198 و 217) و مّو يوليا ضومنا Julia Domna.

قوس النصر (وليلي)
معلومات عامة
نوع	قوس النصر
لبلاد	لمغريب
لموضع	وليلي
لمدينة	وليلي

لقوس جا علا عرض دّيكومانوس ماكسيموس (شّاريع رّئيسي)، ؤ كيفصل ما بين طّرف لقديم د لمدينة لّي تّبنا ب سّتيل ليوناني لبونيقي، ؤ لحي لّي تّبنا ب سّتيل رّوماني. بناوه لوليليين كا تكريم ل لإمبراطور كاراكالا، بعدما عفاهوم من ضّرائب، ؤ ف لقديم كان مزوّق ب تّماتيل ديال لفصول رّبعة ؤ تمتال ديال كاراكالّا راكب علا كرويلة مدهّبة ؤ كيجرّوها ستة د لعودانات.

لقوس د النصر و لباسيليكا هوما لمعالم لوحيدة ف وليلي لي كانو باقين واقفين ملي بداو لعولاما د لأركيولوجيا لأبحات د لحفير ف وليلي. لقوس تم تّرميم ديالو ما بين 1930 ؤ 1934، ولاكين ماشي ف الشكل لأصلي ديالو.

قوس كاراكالّا تّبنى ب بلوكات د لحجر مقطّعين و مستّفين مزيان. ف لحالة ديال دابا، لعلو ديال لفتحة د لقوس واصل ل 8 ميترو و لعرض ل 5,87 ميترو. الضورة د لقوس مزوّقة ب ببّوشيات torsade و الساروت ديالو (لحجرة لوسطانية د لقوس) خارجة بزاف. ف لڭدم ديالو كاينة كرنيزة corniche لي ضايرة على الركايز، و هاد الستيل كان مخدّم من لقرن 2 ميلادي. كلا ركيزة فيها محراب niche ف السقف ديالها ب قنيتة محلولة، لي ف لغالب كانو فيها تماتيل ديال أرباب قدام عندهوم علاقة ب لما بحال لحوريات د لبحر ؤلا ڤينوس لبحرية، حيت واحد التقابي تماك كانو كايخرّجو لما لي كايصب ف حوض.