فرانسيسكا لوپيز كوادرادو، لمعروفة كتر ب سميت پاكيطا ݣورونيو، تولدات ف 5 نونبر 1913 ف مدريد ؤ ماتت ف 22 غشت 2017 ف رّباط، هي موناضيلة ديال لحيزب شّيوعي صّبليوني، لاجئة ف لمغريب ف لوقيتة ديال سپانيا لفرانكاوية.
پاكيطا ݣورونيو | ||
معلومات عامة | ||
زيادة | 5 نونبر 1913 مدريد (سپانيا) | |
لموت | 22 غشت 2017 (103 عام) الرباط (لمغريب) | |
لجنسية | سپانيا | |
لحرفة | مناضل، Conseiller du roi و مساعدة شخصية | |
لّوغات لي كيعرف | صبليونية و لفرانساوية | |
كانت لكاتيبة لخاصة ديال لحسن تّاني، ؤ كانت معروفة ف لعاصيمة د لمغريب، ؤ تشهرات ب لقب "لعاشقة د رّباط".
تولدات ف مدريد ف 5 نونبر 1913 وسط فاميلة مرفحة، تربات ب لمبادئ لجمهورية ؤ لقيم ضد لإكليروس. ف دارهم، كانو كيتلاقاو بزاف د لمتقفين ؤ لفنانين، بحال طوماس بريطون ؤ بيسينطي بلاسكو إبانييز. جدها كان كيعجبو پابلو إݣليسياس پوس.
فاش تعلنات لجمهورية تّانية، ف 1931، صافطوها واليديها تقرا ف باريز. ملي رجعات ل مدريد، خدماتها شاريكة ديال طيارات إبيريا، والاكين بدات لحرب لأهلية.
تصافطات فاميلتها ل بالينسيا. دخلات موراها ف لحيزب شّيوعي صّبليوني ؤ تلاقات ب دولوريس إباروري.
ب سباب ضغط ديال تّقدم لفرانكاوي، كان عليها تمشي ل برصلونة، موراها، ف يناير 1939، ف لوقيتة ديال ريتيرادا، مشات على رجليها ل لمنفى على طريق جبال لپيريني. تبعات مها ل پيرپينيان.
لجئات ف لمخيم د بولو، ؤ قررات تمشي ل لمغريب، ف رحلة خداتها ب لباطو من پور ڤوندر حتال وهران، منين لتاحقات ب رّباط.
خدمات پاكيطا سكريتيرة ف لمدراسة لمولوية ف رّباط. ف 1956، ولات لكاتيبة لخاصة د لحسن تّاني، ف لوقيتة لي مازال كان فيها أمير، ؤ بقات مكملة ف لأنشطة ديالها د نضال ضد فرانكو. خرجات من لپوصط ديالها ف 1971.
توفات ف 2017، ؤ خلات دكرى ديال مرا ملتازمة ؤ محتارمة ف لمدينة لي تبناتها، فين كيلقبوها ب "لعاشقة د رّباط". تدفات ف لمقبارة د رّباط حدا مها.
This article uses material from the Wikipedia داريجة article پاكيطا ݣورونيو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.