بوجلود
بوجلود ولا بيلماون ولا بو يسليخن ولا بو لبطاين ولا بو هيضور ولا الشويّخ ولا هرّْمة، هو واحد لإحتفال أمازيغي سنوي، كايجي مورا لعيد لكبير، و تايكون ف بعض لمناطق د لمغريب.
ف هاد لإحتفال واحد شّخص ولا كتر، كايلبسو جلود ديال لحوالا ولا لمعاز لي تدبحات ف لعيد.
لأصل
بوجلود عندو أصول ف لميطولوجيا لأمازيغية، ولي من بعد ولا تقليد مرتابط ب لعيد لكبير.
لإحتفال
لإحتفال كايبدا ف نهار لوّل د لعيد، و كايستامر ل 3 أيام بعد لعيد ف لقرى، و حتال سيمانة ف بعض لمدون. ف هاد لإحتفال، مجموعة د ناس كايلبسو جلود ديال لحولي د لعيد، و كايصبغو وجوههم، ولا كايديرو ماصك، وتايكونو هازين لكرعين ديال لحولي ف يديهم، و تايقيسو بيهم ناس لي محتافلين معاهم. و كاتكون معاهم واحد لفرقة موسيقية. لهدف من هاد لإحتفال هو أن ناس تخلق سّعادة و تفرح.
أتناء هاد لإحتفال، بزاف ديال ناس كاتبرّع ب فلوس، باش يديرو فيستيڤال موسيقي، لي كايحضرو ليه ݣاع نّاس د لمنطقة. أكبر فيستيڤال ديال بوجلود ف لمغريب، هو "بيلماون بيدماون"، لي تايكون ف مدينة الدشيرة الجهادية، إقليم إنزݣان أيت ملول.[مصدر؟]
عيون لكلام
 | تقدر تزيد شوف بزاف د تّصاور و لمعلومات ديال Boujloud ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article بوجلود, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.