فاطمة لفيهرية (خلاقت ف 800 ف لقيروان و ماتت ف 880 ف فاس) و سميتها لكاملة فاطمة بنت محمد الفهري و كانت معروفة ب كنية أم البنين شخصية تاريخية مهمة د مدينة فاس و هي لّي بنات جامع لقرويين لّي هي أقدم جاميعة ف لعالم.
فاطمة الفهرية | ||
معلومات عامة | ||
زيادة | 800 القيروان | |
لموت | 880 (جريجوري) (79/80 عام) فاس | |
لجنسية | لخلافة لعباسية | |
لحرفة | راعية الفنون | |
لّوغات لي كيعرف | عربية | |
معلومات خرى | ||
دين | إسلام | |
لأعمال |
| |
لقصة ديالها هضر عليها بن أبي زرع (لي توفا بين 1310 ؤ 1320) ف لكتاب د روض لقرطاس ف لموضوع د تأسيس د جامع لقرويين. حيت تدكرات ل أول مرة مور قرون على لموت ديالها، لقصة ديالها كانت صعيبة باش تتبت ؤ كاينين حتا شي مؤرخين معاصرين بحال شفيق بنشقرون كيشكو ف لوجود ديالها ݣاع.
فاطمة لفيهرية أصلها من قبيلة "بنو فهر" لّي هي من قريش ف لجزيرة لعربية. هي نفس لقبيلة لّي جا منها عقبة بن نافع لّي كان جينيرال د دّولة لأموية و كان عندو دور كبير ف تّوسيع د دّولة لأموية ف شمال إفريقيا. عقبة كان هو لّي بنا لقيروان (ف تونس ديال دابا) و جاو معاه بزاف د نّاس د لقبيلة ديالو. من حفاد هاد لجيل د لفيهريين كان محمد لفيهري، بّاين فاطمة، لّي كان تاجر كبير و ملعّق و تأنسطالا ف فاس ف عام 825. هاد محمد لفيهري فاش مات ورتو فلوسو جوج بنات لّي كانو عندو، مريم و فاطمة.
فاطمة كانت ديانية و عزيز عليها دّير لخير و عزمات أنها توهب فلوسها كاملين ل لخير، و هاكدا بنات جّامع د لقرويين ف فاس لّي بدا لبني ديالو ف عام 859 و كانت كاتصوم ليّام كاملة ديال لمدة د لبني. ختها مريم كانت بحالها و هي لّي بنات جّامع د لأندلسيين ف فاس.
This article uses material from the Wikipedia داريجة article فاطمة الفهرية, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.