سبتة مدينة مستاقلة تابعة إدارياً ل سپانيا على ضّفة شّمالية د لمغريب، بعيدة ب 45 كيلوميطر على طانجا (73 كيلوميطر ب صّوݣان).
سبتة من بين لبلايص لقلال ف إفريقيا لي باقة تحت حتيلال سپنيولي ؤ ؤروپي، لوخرين هوما مليلية، ݣزاير لكاناري ؤ شي ݣزاير قلال مامسكونينش. لمدينة جات حدا جبل هاشو لي يقدر يكون هوّا لموضع لجانوبي ديال لعمايد د هرقول ف لعصور لقديمة (لحتيمال لاخور هوّا جبل موسى). على راس جبل هاشو كاين ݣصر مستعمل كا قشلة عسكارية سپنيولية.
سبتة | ||||
Ceuta (es) | ||||
لبلاصة | ||||
لبلاد | سپانيا | |||
لإقليم | سپانيا | |||
السكان | ||||
شحال دالسكان | 83,039 (2023) | |||
السكان الدكور | 42,912 $1 | |||
السكان لعيالات | 41,865 $1 | |||
لجغرافيا | ||||
لميساحة | 18.5 كم² | |||
لقمة لعالية | Monte Anyera (349 م) | |||
لعلو | 10 م | |||
معلومات خرا | ||||
توقيت ديال لمدينة | ڭرينيتش + 1 (توقيت قياسي) ڭرينيتش +2 (التوقيت د الصيف) Africa/Ceuta | |||
نمرة التيليفون لمحلية | 856 و 956 | |||
كود د لبوصطة | 51000–51999 | |||
السيت الرسمي | ceuta.es… | |||
الرمز لجغرافي | 2519582 |
سبتة تاريخياً كاتّعتابر مدينة مغريبية، ؤ كانت تابعة ل مملكة موريطانية ب سميت "أبيلا" Ἀβύλα. فاش تّحتلات لمملكة من عند رّومان، غادي يسمّيوها سيپتيم فراتريس Septem Fratres (لخوت سّبعة) ؤلا بختيصار "سيپتيم" Septem، لي منها جات سبتة. سبتة كانت جزء من لإمبراطوريات ؤ لممالك لإسلامية لي حكمات لمغريب، ؤ تّحتلات من عند لبرطقيز ف 1415. ف 1580 دازت تحت سّلطة د سپانيا، ؤ من ديك سّاع حاولو بزاف د سّلاطين، من بينهوم مولاي سماعيل باش يسترجعوها، بلا فايدة.
بعد 5 د لقرون ديال لحتيلال سّپنيولي لمسيحي، سبتة ولا عندها طابع ؤروپي كتر من ما هوّا موري مغريبي. يلاه تّلت د سّكان د سبتة لي مسلمين، ولاكين شي 63% د سّبتيين أصلهوم مغريبي ؤ كيستعملو دّاريجة بشكل يومي. بزاف د لموهاجرين من إفريقيا كيحاولو يدوزو ل ؤروپا من لحدود ديال سبتة، داكشي علاش سّلطات سّپنيولية دايرة عليها حماية أمنية كبيرة. أهم لأنشطة لقتيصادية ديال سبتة هيّا لإدارة لعومومية، صّيناعة د صّيد لبحري، صّيناعة د شّراب، لميطالورجي، ؤ لإصلاح د لماكينات. سّياحة حتا هيّا بدات كاتاخد أهمية ف سّنوات لّخرة. لمؤسسات لمحلية ديالها ف لمستوى لجامعي تابعة ل جامعة غرناطة.
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article سبتة, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.