لفرانساوية هي واحد اللوغة لاتينية من الأسرة الهندو-أوروپية. الأصل ديالها هو الدارجة د اللاتينية اللي كانت تاتهضر فالشمال د فرانسا. على حساب الإحصائيات د 2014, كاين 77 مليون واحد فالعالم اللي اللوغة الأم ديالو هي لفرانساوية, وفلمجموع تقريبا 300 مليون واحد تيهضرو لفرانساوية يا إما كلوغة لم, ولا تعلموها من بعد.
كاين بزاف د لبلدان من غير فرانسا اللي فيها لفرانساوية لوغة رسمية, حيث فرانسا ستعمرات بزاف د لبلايص فلعالم وكانت تاتفرض اللوغة ديالها عليهم. من لبلدان اللي فيها لفرانساوية رسمية كاين: فرانسا, سويسرا, بلجيكا, كنادا, وبزاف د الدول ف إفريقيا. فلمجموع لفرانساوية لغة رسمية ف 29 بلاد فلعالم.
30% د الناس فلمغريب (تقريبا 10 د لمليون) تيهضرو لفرانساوية, ولكن هي ماشي لوغة رسمية و ماعندها تا وضع دستوري ولا قانوني, واخا بزاف د الإدارات والمؤسسات تيتعاملو بيها.
لمنضمة اللي تاتكلّف بلفرانساوية ف لعالم هي لمنضمة لعالمية د لفرونكفونية.
لاروس و لوروبير من بين أهم الديكسيونيرات د لفرانساوية.
تقدر تزيد شوف بزاف د تّصاور و لمعلومات ديال French language ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article لفرانساوية, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.