Manga

Mangaka (漫画家) (waca: man-ga-ka, utawa ma-ng-ga-ka) iku wong kang nggambar manga.

Majalah-kalawarta manga ing Jepang lumrahé dumadi saka sawatara sesirah komik kang sabel sesirah ngisi watara 30-40 kaca kalawarta iku (siji chapter/bab). Majalah-kalawarta mau lumrahé duwé kandelwatara 200 nganti 850 kaca. Sawijining sesirah manga kang suksès bisa kababar nganti mataun-taun kaya "ジョジョの奇妙な冒険 / Jojo no Kimyō na Bōken / JoJo's Bizarre Adventure / Misi Rahasia". Lumrahé, sesirah-sesirah kang suksès bisa diangkat dadi wangun animasi (utawa saiki luwih misuwur kanthi istilah ANIME) contoné kaya Naruto, Bleach lan One Piece

Sawetara manga carita asliné bisa diangkat dhedhasar saka novèl / visual novèl, contoné yaiku adhedhasarBasilisk" (ora beredar ing Indonésia) dhedhasar saka novèl "甲賀忍法帖, Kōga Ninpōchō" déning Futaro Yamada, kang nyaritakaké pertarungan antara klan ninja Tsubagakure Iga lan klan ninja Manjidani Koga. Ana uga kang ngangkat saka segi sajarah, kaya sajarah Telung Krajan (The Three Kingdom) kaya Legenda Naga (Ryuuroden) lan sajarah-sajarah Jepang, kadhang ana kang nganggo jeneng kang bener bener ana, ana uga kang nganggo tokoh fiktif

Sawisé sawatara suwéné, carita-carita saka kalawarta iku bakal dikumpulaké lan dicithak sajeroning wangun buku ukuran biyasa, kang ingaran tankōbon (utawa kadhang misuwur minangka istilah volume). Komik sajeroning wangun iki lumrahé dicithak ing sadhuwuring kertas kualitas apik lan migunani tumrap wong-wong kang ora utawa kesèd tuku kalawarta-kalawarta manga kang kababar minggon kang duwé manéka campuran carita/sesirah. Saka wangun tankōbon ini manga lumrahé diterjemahaké sajeroning basa-basa liya ing nagara-nagara liya kaya Indonésia.

Kanggo sawatara sesirah (kang suksès) malah wis/bakal digawé vèrsi manungsa (Live Action, utawa kadhang dicekak minangka L.A. ing jepang), sawatara sesirah kang wis diangkat dadi Live Action yaiku Death Note, Detektif Conan, GeGeGe no Kintaro, Cutie Honie, Casshern, DevilMan, Saigake!! Otokojuku lan liya liyané

Sabanjuré sapérangan sesirah uga bakal digawé (remake) manèh kanthi internasional déning prodhusèn ing sajabaning Jepang, kaya Amérika, kang gawé filem Live Action Dragon Ball vèrsi Hollywood (20'th Century Fox), lan kabaré uga bakal digawé vèrsi live action saka Death Note déning pihak prodhuser kulon.

Adhedhasar jinis pamaos

• Manga kang mligi ditujokaké kanggo bocah ingaran kodomo (子供) — kanggo bocah.
• Manga kang mligi ditujokaké kanggo (Wanita) diwasa ingaran Josai (女性) (utawa redikomi) — wanita.
• Manga kang mligi ditujokaké kanggo diwasa ingaran Seinen (青年) — lanang.
• Manga kang mligi ditujokaké kanggo wanita ingaran shōjo (少女) — rumaja wadon.
• Manga kang mligi ditujokaké kanggo wong lanang ingaran shōnen (少年) — rumaja lanang.

Akèh jinis-jinis iki uga kanggo anime lan permainan komputer Jepang.

Loro pangecapan manga gedhé dhéwé ing Jepang yaiku Shogakukan (小学館) lan Shueisha (集英社).

Gaya penggambaran

Rata-rata mangaka ing Jepang migunakaké gaya/style prasaja sajeroning nggambar manga. Nanging, gambar latar mburiné amèh kabèh manga digambar supaya realistis, sanadyan gambar karakteré bener-bener prasaja. Para mangaka nggambar prasaja mligi ing pérangan rai, kanthi ciri kas mata gedhé, cangkem cilik lan irung sajumput. Ana uga gaya nggambar Lolicon utawa Shotacon.

Ora kabèh manga digambaraké kanthi prasaja. Sawetara mangaka migunakaké style kang realistis, sanadyan sajeroning sawatara unsur isih bisa dikategori minangka manga. Kaya contoné Vagabond, karya Takehiko Inoue kang nonjolaké panggunaan arsir, proporsi seimbang lan setting kang realistis.^{[butuh sitiran]} Vagabond dikategori minangka manga amarga gaya penggambaran mata, sarta sawatara pérangan kang simpel. Manga uga biyasa digambar sajeroning monochrome lan gradasiné kang biyasa ingaran tone.

Kanggo komik jangka panjang utawa kang duwé atusan volume, lumrahé seiring karo perkembangan wektu, para mangaka bakal ngalami owah-owahan gorèsan kang cukup signifikan.^{[butuh sitiran]} Conto kang umum ing Indonésia manawa karaya Hojo Tsukasa kang saka Cat Eyes owah dadi kaya sajeroning City Hunter. Utawa karya liya Ah ! My Goddess kang diwiwiti taun 1988 lan nganti saiki isih terus lumaku. One Piece and Naruto uga cukup owah yèn dibandhingaké ing gorèsan volume volume wiwitan.^{[butuh sitiran]}

Doujinshi

Doujinshi yaiku sebutan tumrap manga kang digawé déning fans manga mau kang duwé alur carita utawa ending kang béda saka manga asliné. Para fans iki biyasa mbagi gethol-tular, didol kanthi indie ing toko doujinshi, utawa mèlu konvensi akbar doujinshi kang biyasa ingaran Comiket. Ing kéné didol èwon sesirah doujinshi saben taun. Pengunjungé bisa ngancik 400.000 wong.

Doujinshi dhéwé kadhangkala dadi batu loncatan kanggo dadi mangaka. Ken Akamatsu (Love Hina, Negima) uga kerep gawé dojin karyané dhéwé. Manga kang mawa téma hentai lumrahé yaiku dojin saka manga tinamtu kang wis misuwur. Lumrahé karakter manga mau pancèn didésain supaya dadi "sasaran" para dojin-ka (sebutan tumrap kang gawé dojin, padha karo manga-ka).

Penerbit

Loro pangecapan manga gedhé dhéwé ing Indonésia yaiku Elex Media Komputindo lan m&c Comics kang dadi péranganing golongan Gramedia. Watara taun 2005, golongan Gramedia uga wis mbabar Level Comics, kang luwih kafokus marang pangecapanan manga-manga genre Seinen (diwasa) Sawetara sesirah (kang wis diterjemahaké / misuwur sajeroning basa Indonésia) kang wis nganggo format wacan ala Jepang (raw) yaiku:

• Monster (2003) M&C!

^{Monster-Urasawa Naoki (1995)}

• Comic Bomber (2008) Elex Media Komputindo

^{Hoero Pen-SHIMAMOTO Kazuhiko (2002)}

• ROAD to St. ANDREWS DANDOH XI (2008) Elex Media Komputindo

^{LAN DOH!! XI-SAKATA Nobuhiro & BANJO Daichi (2002)}

• AEGIS in the DARK (2008) Elex Media Komputindo

^{YAMI NO AEGIS-NANATSUKI Kyouichi & FUJIWARA Yoshihide (2006)}

• C.M.B. (2008) Elex Media Komputindo

^{C.M.B.-Shinra Hakubutstukan no Jiken Mokuroku-Motohiro Katou (2006)}

• Kungfu Boy Legends (2008) Elex Media Komputindo

^{Tekken Chinmi Legends-Takeshi Maekawa (2007)}

• A.S.Animal Sense (2008) Elex Media Komputindo

^{A.S.(Animal Sense)-Takeshi Maekawa (2006)}

• Yotsuba &! (2008) Elex Media Komputindo

^{Yotsubato!-Kiyohiko Azuma / Yotuba Sutazio (2007)}

• Azumanga DAIOH Elex Media Komputindo
• ONE PIECE Elex Media Komputindo
• Gash Bell M&C!
• Ghost Sweeper Mikami Elex Media Komputindo

Kategori manga pornografis

Lumrahé ingaran "hentai" (変態) sajeroning basa Inggris, sanadyan istilah ecchi (Ｈ) luwih kerep dianggo. Ecchi dhéwé sakbeneré minangka cara panyebutan wong Jepang kanggo aksara "H" saka tembung 'hentai'.

• Softcore
  • lolicon (perempuan mudha)
  • shota-con (laki-laki mudha)
  • yaoi (gay)
  • yuri (lesbian)
• Hardcore
  • ero-guro (erotic-grotesque)
  • futanari (hermafrodit)
  • kemono (hewan setengah manungsa)