روني ڤيرزيي

خدم روني سيرتو ف السينيما لكيبيكية، مي تا ف بعض لأفلام لمغريبية. كان ترشح ل جايزة جيني ف 1987 على "أحسن سينيماطوڭرافيا" ف أفلام "الراجل د الصباح" The Morning Man، و "طوبي ماكتيڭيو" Toby McTeague.

روني ڤيرزيي
معلومات عامة
زيادة	1934 الدار البيضا
لموت	1 يناير 2024 (89/90 عام)
لجنسية	كانادا لمغريب
لحرفة	مصوير سينيماطوڭرافي

ڤيرزيي كان كاميرامان ديال جوج ملوك د لمغريب هوما محمد لخامس و لحسن التاني.

بدا ڤيرزيي لكاريير د التصوير ملي كان عندو 14 عام. كان داز من لارمي د فرانسا ف لمغريب. ملي رجع محمد لخامس من لمنفى، خرج من لارمي مؤقتا باش يصور الرجوع د لماليك و عائلتو، و بقى مصوير شخصي د لقصر ب طلب من لماليك، لي كان كيسميه لبيض الصغير le petit blanc. دار بزاف د الجولات معا محمد لخامس بحال ف مصر، لبنان، السعودية، لكويت. قبل ماتكون التلفازة لمغريبية، كان كيدير تصوير ديال 20 دقيقة ف السيمانة ديال لأخبار لي كاتم لإداعة ديالهوم. بعدما خدم ڭيد و موطرجيم (حيت كان كايعرف اللوغة لمحلية مزيان) ديال طاقم تابع ل لمجلس لوطني د لأفلام د كانادا ONF، لي كانو ف لمغريب كيصوّرو وتائقي، جاتو فرصة باش يهاجر ل كانادا ف 1966 ب كونطرا د 6 شهور، و لتاحق ب نفس لمؤسسة، تا بدا كيخدم معا لموخريج دوني هيرو، على لفيلم ديالو "ڤاليري" لي خرج ف 1969. صوّر أفلام بشكل منتاضم ف السبعينات معا هيرو و موخريجين خرين بحال روجي فورنيي و جيل كارل، و بشوية بشوية بدا كينتاقل تا ل لأفلام ب النڭليزية بشكل كبر ف السبعينات و التمانينات، لي بانو ف السينيما و التلفازة. ف لكاريير ديالو، دار التصوير ديال كتر من 40 فيلم طويل.

كانادا

• 1976: لبنت الصغيرة لي ساكنة ف اللخر د الطريق (La Petite Fille au bout du chemin)
• 1985: طوبي ماكتيڭيو (Toby McTeague)
• 1986:
  • لمنتاقم (The Vindicator)
  • الراجل د الصباح (The Morning Man)

لمغريب

• 1957: براهيم
• 1961: Un troubadour à Marrakech
• 1964:
  • Le logis des hommes
  • La route des vacances
• 1967: Les Chemins du Rif

• 1979: جايزة Daytime Emmy على مسلسل The Big Blue Marble
• 1987: ترشيح ل جايزة جيني ل أحسن سينيماطوڭرافيا على أفلام "الراجل د الصباح" و "طوبي ماكتيڭيو"