نواكشوط

تتعتابر وحدة من لمدون الكبار فالمنطقة ديال الساحل، و تايسكنو فيها تقريبا مليون ديال الناس.

نواكشوط
نواكشوط من لفوق
لبلاصة
لبلاد	موريطانيا
لإقليم	نواكشوط الشمالية، ولاية نواكشوط الغربية و ولاية نواكشوط الجنوبية
السكان
شحال دالسكان	1,077,169 (2016)
لجغرافيا
لميساحة	1,035,995,244 م²
لعلو	7 م
معلومات خرا
توقيت ديال لمدينة	ڭريتينش
السيت الرسمي	crn.mr…
الرمز لجغرافي	2377450

نواكشوط مدينة جديدة، كانت دوّار صغير تايسكنو فيه ما بين 200 و 300 بنادم ، و ف 1958 اتّختارت ديك البلاصة باش تتبنا فيها العاصمة ديال الدولة الجديدة ديال موريطانيا. ف 5 مارس 1958، حطّ لمختار ولد داداه (أول رايس ديال موريطانيا) هو و شارل دو ݣول (الرئيس ديال فرانسا فديك الوقت)، حطّو الحجر ديال السّاس ديال المدينة اللي كانت فوسط الصحرا.

مع العيمان ديال الجفاف فالسبعينيات، و الزيادة ديال التصحّر، ولاّت بزاف د لهجرة لنواكشوط، اللي كانت لفكرة فاللول يسكنو فيها 15.000 د الناس، و لكن دابا ولاو فيها تقريبا مليون.

نواكشوط فيها مطار دولي، و هو واحد من جوج مطارات اللي كاينين ف موريطانيا، و فيها أكبر جامعة ف البلاد (الجامعة ديال نواكشوط) و مرسى كبير سميتو "ميناء الصداقة"، تبنا بالمعاونة ديال الشينوا.

كاين بزاف ديال النظريات على شنو لأصل ديال السمية ديال نواكشوط.

• بالامازيغية كاين اللي تيقول باللي أصلها هو "أنو نوكشوض" (لبير د لخشب)، و لا لمزمار د الرّيح.
• بلعربية كاين اللي تيقول أصلها هو "نوق الشط"، و لا "نياق الشط"، زعما الناقات اللي تيرعاو حدا لبحر.