رواندا

تاتحدّها طنزانيا من الشرق، أوݣاندا من الشمال، جمهورية لكونݣو ديموقراطية من لغرب، و بوروندي من لجنوب. رواندا بلاد طالعة فلإرتفاع، و تاتسمّا ب "لبلاد ديال ألف هضبة". رواندا معروفة تا باللي فيها الضايات بزاف، و هي وحدا من لبلايص اللي تينبع فيها لواد د النيل.

رواندا
Rwanda (rw) Rwanda (fr) Rwanda (en) Rwanda (sw)
نشيد	Rwanda Nziza
لعاصيمة	كيڭالي
الساكينة
شحال دالسكان	13,246,394 (2022)
السمية ديال السكان	رواندي، رواندية، روانديين, روانديات
اللوغات الرسمية	كينيارواندا نڭليزية لفرانساوية السواحيلي
متوسط ديال لعمر	67.129 (2016)
لجغرافيا
لميساحة	26,338 كم²
لقمة لعالية	جبل كاريسيمبي (4,507 م)
لبلاصة الطايحة	واد روزيزي (950 م)
لإدارة
رئيس رواندا	پول كاڭامي
رئيس وزراء رواندا	إدوارد نغيرينتي
لبرلمان	لبرلمان د رواندا
لقتيصاد
الناتج الداخلي لكامل	11,055,281,971 $ (2021)
لبيطالة (شوماج)	1 % (2014)
مؤشر التنمية لبشرية	0.534 (2021)
لفلوس	فرنك رواندي
معلومات خرة
توقيت ديال لبلاد	ڭرينيتش +2 إفريقيا/كيڭالي
رمز لبلاد	RW
رمز لانترنيت	‎.rw‎
رمز التيليفون	+250
نماري د ليرجونس	112 و 912
جيهة د صوڭان	ليمن
السيت الرسمي	gov.rw

رواندا معروفة ف لعالم بلمجزرة لكبيرة اللي وقعات فيها ف 1994، ما بين لقبايل د لهوتو و التوتسي، و اللي مات فيها كتر من مليون واحد. من مورا هاد لوقيتة لكحلة، تقادات شويا لأمور ف لبلاد، و دابا ولاّ عندها اقتصاد مزيان، و عندو أكبر نسبة د النمو ف إفريقيا (تيطلع ب 8% ف لعام).

تيسكنو ف رواندا تقريبا 12.6 مليون د الناس و لعاصمة ديالها هي كيݣالي. لبلاد عندها ربعا د اللغات رسمية هوما لينݣليزية و لفرانساوية و لكينيارواندا و السواحيلي. ف 2008، بدلات رواندا اللغة اللولا ديالها اللي كاتخدّم ف التعليم و لإدارة من لفرانساوية للينݣليزية. لفلوس اللي كيتخدّمو ف لبلاد هوما لفرنك الرواندي. رواندا داخلة مع بزاف د لمنضمات دولية بحال لأمم لمتحدة و لإتحاد لإفريقي و لكومونويلث (واخا ماعمرها ما كانت مستعمرة ديال بريطانيا).