دنيا بوطازوت

تخرجت دنيا بوطازوت من لمعهد لعالي للفن لمسرحي و التنشيط ثقافي، وسجلت بداياتها لفنية على خشبة المسرح بمسرحية «Rouge + bleu = violet» وهو أول عرض ليها بعد التخرج عام 2006. ف عام 2008 لتحقات بفرقة تانسيفت و شاركات ف مسراحية «كيف طوير طار». و كان لعمل اللخراني مع هاد لفرقة بعنوان «ناكر لحسان». و أول أعمالها ف التلفازة كانت عام 2005 مع لفنان حسن الفد ف "شانيلي تي ڤي". هادي أول تجربة حترافية ليها، إذ فتحت ليها أفاق واسعة ف الدراما التلفزيونية. فا تشهرات بحضورها القوي و لمتميز ف شلا أعمال درامية، من بينها مسلسلات، سيتكومات و مسلسلات تلفزيونية و مسرحيات، و خصوصا حضورها اللافت ف سيتكوم ياك حنا جيران عام 2011. هي معروفة بالارتجال وخا كاين حوار مكتوب.

ف أبريل 2016 تدابزات واحد لمواطنة مغريبية مع دنيا و ضرباتها براسها على مستوى النيف و جراتها من شعرها. بسباب هادشي، بوطازوت مشات ل السبيطار و دارت عملية جراحية على النيف، وسبب هاد لمشكيل هو بلي دنيا خرقات صف ف مقاطعة حي التشارك ف الدار البيضا.

ف عام 2018، شاركات دنيا ف تنشيط برنامج «للا لعروسة» موسم 12.

تزوجات دنيا بوطازوت لمرة اللولة ب لبيزنيسمان لمغريبي وديع برادة لكنهم طلقو، و تزوجت لمرة الثانية من بيزنيسمان سميتو عبد القادر بلكرمة ف 2019، و ولدت معاه ولدها اللول "غالي".

شاركات بوطازوت ف بزاف د لأعمال ف التلفازة.

شاركت دنيا وبانت ف بزاف د لبرامج منها:

• برنامج تغريدة
• برنامج رشيد شو
• برنامج مستر شاف النجوم
• برنامج لالة لعروسة