رشيدة الحراق: مومتيلة مغريبية

كانت من لمغاربا لّولين لي دخلو ل مجال لمسرح و دّراما ف تّلفازة و لإداعة، لي لعبو دور رايد ف تّطوير هاد لفن ف لمغريب.

رشيدة الحراق
معلومات عامة
زيادة	1948 الرباط
لموت	15 أبريل 2022 (73/74 عام)
لجنسية	لمغريب
لحرفة	مومتيلة
لّوغات لي كيعرف	الداريجة لمغريبية

رشيدة لحراق تولدات ف رّباط ؤ بدات لكاريير ديالها مابين 1968 و 1969 ف لفرقة د لإداعة لوطنية، معا مومتيلين خرين و موخريجين و كتّاب بحال محمد أحمد البصري، عبد الرزاق حكم، العربي الدغمي، حمادي عمور، حبيبة المذكوري، محمد حسن الجندي و أمينة رشيد. بانت تامعلّميت ديالها ف مسلسل "الأزلية" لي داز ف رّاديو. موراها شاركات ف أول عامال تيليڤيزيوني ف فيلم "ذئاب لا تموت"، ؤ ف مسلسل "الشرع عطانا ربعة"، معا عزيز سعد الله و خديجة أسد و تورية جبران.

أسّسات لحراق فرقة "لمسرح ضّاحك" معا راجلها محمد أحمد لبصري، لي قدّمات عاداد د لمسراحيات بحال "نتا و زهرك"، "دموع إبليس" و "إصابة ف الشبكة". شاركات ف ملاحم فنية، ؤ لمئات د لأعمال على رّاديو، من بينها أعمال كتبها أحمد الطيب العلج. ف لمسلسلات د تّلفازة شاركات ف أعمال بحال "الطريق المجهول" و "بنات لالة منانة".

توفّات ف رّباط ب مرض لكونصير ف أبريل 2022 و تدفنات ف مقبرة الشهداء.

مسراحيات

• نتا و زهرك
• دموع إبليس
• إصابة ف الشبكة

إداعة (راديو)

• الأزلية

أفلام

• ذئاب لا تموت
• المفتش ماجي
• رياض المعطي
• أصدقاء الأمس
• أبو أمل
• حصاد الخطيئة
• الفرح الصغير
• سر الانتقام

مسلسلات تيليفيزيونية

• الطريق المجهول
• بنات لالة منانة
• راضية
• علاش أ ولدي
• غضبة