محمد الغاوي (مزيود ف 1956 ف سلا - توفى ف 5 فبراير 2023)، هوا فنان مغني مغريبي كيغني لأغنية لمغربية لمعاصرة.
عندو كتر من 80 أغنية وطنية و عاطفية لي تّشهر بيها عند لجمهور لمغريبي.
محمد الغاوي | ||
معلومات عامة | ||
زيادة | 1956 سلا | |
لموت | 5 فبراير 2023 (66/67 عام) الرباط | |
طريقة دلموت | موتة طبيعية | |
سباب لموت | نزيف ف لمخ | |
لجنسية | لمغريب | |
لحرفة | مغني | |
لّوغات لي كيعرف | عربية | |
محمد الغاوي هوا لأخ لكبير ديال لفنان عبد العالي الغاوي.
محمد الغاوي كبر ف مدينة سلا. هتم ب لموسيقا من صغرو و نضمّ ل فرقة "الجيل الصاعد" فاش كان ف عمرو 7 سنين. موراها لتاحق ب برنامج "مواهب" لي كان كيشرف عليه لفنان عبد النبي الجيراري. دوّز الغاوي ف داك لبرنامج 10 سنين، جاور فيها شلّا فنانين لي غايشكلو الجيل الجديد د لموسيقا لمغريبية بحال محمود الإدريسي، البشير عبدو، ليلى غفران، عز الدين منتصر و محمد بلخياط. كيعاود محمد الغاوي بلي كان كيشدّ خلصة د 60 درهم كلا سيمانة باش يعاون لواليدة ديالو، و كان كيشارك ف تنشيط لعراسات.
ف 1979، شارك الغاوي ف مسابقة "أضواء المدينة" لي نضّماتها لإداعة لوطنية. و ربح جايزة أحسن صوت رجالي علي أغنية "مضناك جفاه مرقده" د لموسيقار محمد عبد الوهاب، بينمّا ربحات لفنانة رجاء بلمليح جايزة أحسن صوت نسائي على أغنية "وحقك أنت المنى والطلب" د أم كلتوم. كانت لجايزة هي باش تسجّل دار لإداعة لأغنية د الرابح، بحيت سجل الغاوي أغنيتو لمعروفة "لغربة و لعشق الكادي" من كلمات علي الحداني، و كانت هاديك هيّا بدايتو لحقيقية ف مجال لفن.
ب لموازاة معا لخدمة ديالو كا فنان، كان محمد الغاوي خدّام ف ستوديو برنامج "مواهب" لمتخصص ف كتيشاف لمواهب الشابة، و من بعد خدم موعلّيم ف لكوليج.
هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article محمد الغاوي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.