Manga
Articulu in nugoresu
Su manga (漫画 manga?) est unu faveddu giapponesu chi inditat, foras de su Giappone, tottu sos fumettos fattos in cùghe, mentras chi in patria si imprèat pro inditare tottu sos fumettos in zenerale.
In Giappone sos manga non sun unu zenere o un'istìle, ma si naran goi sos fumettos de calesisiat target, tema e nassionalidade, mancàri ischirriàos in "Nihon no manga" (日本の漫画? "fumettos giapponesos"), "Itaria no manga" (イタリアの漫画? "fumettos italianos") e gai sichìnde.
| « [Fumettu e manga] sun uguales, sos fumettos sun fumettos. Si cheret distìngher su manga, ma su manga est fumettu: s'istìle est pètzi unu pacu a divèrsu, peròe deo non bi atzàpo tantu distàntzia » | |
(Keiko Ichiguchi in supra de sa differentzia tra fumettu otzidentale e orientale.) |
Foras de su Giappone, su faveddu "manga" si impreat pro inditare sos fumettos giapponesos, fìntzas si s'isparghimèntu de su manga pèri su mundu at fattu a manera chi sas tipicas cunventziones graficas de su manga sian bènnias a èsser tantu caratteristicas de influentziàre s'istìle de su fumettu fìntzas in foras, battìnde a sa nàschia de cosas sìmiles in Corea de Zosso chin sos manhwa e in Tzina, Taiwan e Hong Kong chin sos manhua. In Frantza fit nàschia adderettùra sa currente de la nouvelle manga, chi ponet a pare sos fumettos francu-belgas (bande dessinée) chin sos manga; in sos Istados Unidos si an imbentàu su noulozìsmu "Amerimanga" pro inditare sos manga fattos in cùghe.
This article uses material from the Wikipedia Sardu article Manga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.