دراݣون بول
دراݣون بول هي واحد لفرانشايز د لميديا و لكوميكس دارها أكيرا طوريياما.
لمانݣا لأصلية ديالو كتبها ورسمها طوريياما وتنشرات ف شونن دجامپ من عام 1984 و حتال عام 1995 و فيها 519 شاپيطر و 42 كتيّب (طانكوبون) و كانت كاتنشرها شركة د شوويشا. دراݣون بول مهزوزة من من رواية شينوية رحلة ل لغرب تتهضر على لمغامرات تاع صون ݣوكو من الطفولة ديالو حتى بدا تيتريني وتيدور لعالم باش يقلب على كورات تّينين لي تتسدعي تنين تيحقق لأمنيات يلا تجمعات. و ف الرحلة ديالو تيتصاحب معا بزاف تلأصدقاء و تيدابز مع بزاف تلأشرار بزاف منهم بغاو كورات تّينين.
دراݣون بول تأضبطا لأنيم مقسم نجوج دلأجزاء: دراݣون بول و دراݣون بول زد، من طرف شّركا ديال طووي أنيميشن. لأنيم كان كيدوز فتلفزيون ف جاپون مابين 1986 و 1996 ف لإداعا ديال فوجي طيڢي. فلعالم لعربي كان كيدوز فلإداعة ديال سبايستون.
حاليا دراݣون بول كتعتابر من بين أكتر سيريات نجاحا فتاريخ. 42 كتيب ديال لمانݣا تباعو كتر من 260 مليون مرا فلعالم، و لأنيم داز فكتر من 80 دولة.
عيون لكلام
شوف تا
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article دراݣون بول, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.