السياسة ؤلا لپوليتيك (من ليونانية لبالية Πολιτικά، ب معنى الشان د لمدينة) هيّا مجموعة د النشاطات لي كيديرها بنادم و لي عندها علاقة معا لماخدة د لقرارات ف إطار مجموعة بشرية، و شكال خرين ديال لعلاقات د لقوة، بحال توزيع لموارد و لمواقع د السلطة و الشان لإجتيماعي.
لفرع د لعولوم لإجتيماعية لي كايدرس سّياسة و لحوكومة كاتسما لعولوم سّياسية.
ف لفترة لعصرية، ف إطار دّوال لقومية، بزاف د لأفراد كيفورميو أحزاب سياسية لي كايمتّلو لأفكار ديالهوم. لأعضاء ديال شي حيزب كيتّافقو بيناتهوم باش يكونو عندهوم نفس لمواقف السياسية من مجموعة د لقضايا، و يدعمو نفس التبديلات ف لقوانين و نفس لقيّاد. نّتيخابات ف لعادة كاتكون تنافس مابين أحزاب سياسية على مواقع ديال السلطة.
نّيضام سّياسي هوّا واحد لكاضر لي كيحدد طّرقان لمسموح بيها ف ممارسة السياسة ف شي مجتمع. التاريخ د لفيكر السياسي نقدرو نطراسيوه تال لفترة لقديمة، ب أعمال لي حطات سّاس ديال لأنضمة لي كانعرفو دابا بحال كتاب لجمهورية ديال أفلاطون لي تّكتب هادي علاين 2400 عام، و لمكتوبات ديال لفيلسوف الشينوي كونفوشيوس، و كتاب أرطاشاسطرا ديال لفيلسوف لهندي شاناكيا.
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article سياسة, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.