An politika (Ingles: politics; gikan sa Griyego: Πολιτικά, politiká, 'kinaaraman sa mga syudad') iyo an kasararoan nin mga kasibotan na katakod sa paghimo nin mga desisyon sa grupo, o iba pang porma nin mga relasyon sa kapangyarihan sa tahaw nin mga indibidwal, arug kan distribusyon nin mga rekurso o kamugtakan.
An sanga kan siyensyang sosyal na minaadal sa politika asin gobyerno iyo an siyensyang pampolitika.
Manlainlain na paagi an yayaon sa politika, na kabali an pagheras kan sadiring politikal na pagtanaw kan saro pasiring sa katawohan, negosasyon sa iba pang mga politikal na bagay, paghimo nin mga ley, asin paggamit nin puwersa, kabali na an giyera laban sa mga kaiwal. An politika iyo mahihiling sa mahiwas na rango nin mga sosyedad na lebel, poon sa mga pamilya asin tribo kan mga tradisyonal na sosyedad, pasiring sa modernong lokal na gobyerno, kompanya asin intitusyon sagkod sa mga soberanong estado, hasta sa internasyunal na lebel. Sa mga modernong nasyon na estado, an mga tawo iyo harus nagmomokna nin mga partidong politikal para mairepresenta an saindang mga pagtubod. An mga kaapil kan partido iyo harus may kaparehas na posisyon sa nagkapirang mga isyu asin minatugot na magsuporta sa parehas na pagliwat sa ley asin sa liderato. An eleksyon iyo harus sarong kompetisyon sa tahaw nin manlainlain na mga partido.
This article uses material from the Wikipedia Bikol article Politika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.