لمحمدية: مدينة فلمغريب

كانت لمحمدية معروفة بسميتها لقديمة فضالة،تا ل25 يونيو عام 1960م فاش تحول لسمية جديدة لمحمدية من طرف لملك لمرحوم محمد لخامس بلمناسبة ديال لبني دلمصفاة دنفط سامير، لي خلاها تولي مركز ديال صناعة لبترول فلمغريب. عدد سكان ديال لمدينة هو 207.670 نسمة على حساب لإحصاء ديال عام 2014م.

لمحمدية
‫المحمدية (al-Muḥammadiyya)‬ (ar)
لبلاصة
لبلاد	لمغريب
لإقليم	عمالة لمحمدية
السكان
شحال دالسكان	208,612 (2014)
شحال دلفاميلات	49,974 (2014)
لجغرافيا
لعلو	17 م
خط الطول بـ °	-07.2323
معلومات خرا
الرمز لجغرافي	6546783
لخريطة

تأسسات لمدينة على يد سّلطان محمد التالت بن عبد الله عام 1750، و تسمات (فَضْلُ الله) سمية تبدلات من بعد و رجعات (فَضِيلَة)، و عاود تبدلات و رجعات "فِضَالَةَ"، و ف قصة وحدة أخرى، تشهرات لقصبة د لمحمدية ب لجهاد ضد لقراصنة، عليها تسماو ناس ديالها أهل لفضل ولا لفُضالا، ومن هنا جا لإسم ديال فضالة.

معا لبداية ديال لقرن لعشرين، كان لبراني طامع فلمدينة دلمحمدية بسباب لموقع ديالها لإستراتيجي، و نجحو لألمان يدخلو ليها و يستتمرو فلفلاحة وشرا ديال لأراضي. فعام 1912 بعد ما تفرضات لحماية على لمغريب، استوطنوها لفرانسيس و بناو فيها لمرسة، و ف 25 يوليو 1960 زارها سلطان محمد الخامس العلوي و شيد فيها لمصفاة ديال لبترول لمعرفوة بسمية ديال سامير، و من ديك ساعة رجعات كاتسمى مدينة لمحمدية.

لمُحمدية عندها موقع مهم على لواجهة دلمحيط لأطلسي، و بين لعاصمة لقتيصادية ولإدارية دلمغريب، تايحدها من شمال لمحيط الأطلسي، ومن لجانوب طريق سيار، ومن شرق وادي نفيفيخ، ومن لغرب وادي لمالح، و هي لعاصمة ديال إقليم لمحمدية.

• نسبة لأمية (نّاس لّي ما كايعرفوش يقراو ولا يكتبو) : 16,9%
• نسبة سّكان لّي قاريين فوق تّانوي (تانوي و جامعة) : 30,7%
• نسبة نّاس نّشيطين (لّي يقدرو يخدمو): 50,4%
• نسبة لبطالة (نّاس لّي ما خدامينش و تايقلبو على خدمة): 20,4%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 11,5%

•  

  نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو)

•  
  المنتزه الحضري للمحمدية
•  
  حي القصبة بالمحمدية
•  
  عمالة المحمدية
•  
  باب القصبة بالمحمدية
•  
  حديقة 18 نونبر بمدينة المحمدية
•  
  محطة القطار بمدينة المحمدية
•  
  القصبة بمدينة المحمدية
•  
  كنيسة القديس سان جاك بالمحمدية
•  
  مسجد علي بن عبد الله بالمحمدية
•  
  المدرسة العليا للتعليم التقني بالمحمدية
•  
  مسجد قصبة المحمدية
•  
  المنتزه الحضري لمدينة المحمدية
•  
  شاطئ ميرامار بالمحمدية
•  
  شاطئ مانسمان يالمحمدية
•  
  شاطئ مانسمان يالمحمدية