Wladimir Michailowitsj Komarof (Russies: Владимир Михайлович Комаров), (16 Maart 1927 - 24 April 1967) was 'n Sowjetruimtevaarder.
Hy was die eerste mens wat gesterf het tydens 'n ruimtesending, in Sojoes 1.
Hy is in Moskou, Sowjetunie (nou Rusland) gebore.
Komarof is in 1960 gekies om 'n ruimtevaarder te word saam met die eerste Sowjet-ruimtevaardergroep. Nadat hy die rugsteun was vir Pawel Popowitsj op Wostok 4, was sy eerste ruimtevlug op die Woschod 1-missie. Op sy tweede vlug, in Sojoes 1, het hy gesterf toe die ruimtetuig geval het as gevolg van 'n probleem met die valskerm.
Hy het die Held van die Sowjetunie en die Orde van Lenin twee maal ontvang.
Komarof was getroud met Walentina Jakowlewna Kiseljowa en het twee kinders gehad, Jewgeni en Irina.
'n Asteroïde, 1836 Komarov wat in 1971 ontdek is, is na hom genoem.
This article uses material from the Wikipedia Afrikaans article Wladimir Komarof, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.