Vlag Van Uganda
Die nasionale vlag van Uganda is op 9 Oktober 1962 amptelik in gebruik geneem.
Die vlag vertoon ses horisontale afwisselende bane in (van bo na onder) swart, geel, rooi, swart, geel en rooi met ’n wit skyf in die middel van die vlag waarop ’n mahem pryk.
 | |
| Gebruik | Nasionale vlag en vaandel  |
|---|---|
| Verhouding | 2:3 |
| Goedgekeur | 9 Oktober 1962 |
| Ontwerp | ’n Horisontale driekleur met twee bane in elk van swart, geel en rooi met ’n wit skyf met ’n mahem daarin. |
Simboliek
Die drie kleure verteenwoordig die mense van Uganda (swart) die sonskyn van Afrika (geel) en Afrikaanse broederskap (rooi, ook die kleur van bloed wat alle Afrikane verbind). Die kleure is afkomstig van die vlag van die Ugandese Volkskongres (UPC), ’n politieke party wat tussen 1960 en 1985 die belangrikste party in die land was. Dit is tans die grootste opposisieparty.
Ontwerp
Die ses bane beslaan elk een sesde van die wydte van die vlag. Die deursnee van die skyf is kleiner as die wydte van twee bane, sodat die geel bane nie daaraan raak nie.
Geskiedenis
Die mahem (kraanvoël) is deur die Britte aan Uganda toegeken. Tydens die Britse bewind (vanaf 1914) is ’n blou Britse vaandel gebruik wat bestaan het uit ’n enkele blou baan met die Union Jack in die skildhoek en ’n mahem op ’n wit skyf op die wapperkant.
Kort voor die verkryging van onafhanklikheid het Uganda ’n nie-Britse vlag ingevoer. Onder die invloed van die Ugandese Demokratiese Party, onder leiding van Benedicto Kiwanuka, is in Maart 1962 ’n vertikaalgestreepte groen-geel-blou-geel-groen vlag met ’n geel mahem in die blou baan, in gebruik geneem. In April van dieselfde jaar het die UPC die verkiesing gewen en die nuwe leiers het besluit om vanaf die verkryging van onafhanklikheid op 9 Oktober 1962 ’n vlag in die partykleure (swart, geel en rooi) te gebruik. Dit het sedertdien in gebruik gebly, ook toe die UPC nie meer die dominante party was nie.
Die oorspronklike vlag, wat in 1962 gemaak is, is deur president Idi Amin na sy afsetting in 1979 saam met die oorspronklike wapenskild na Libië en later Saoedi-Arabië. Dit het daar soek geraak maar die Ugandese regering het die Saoediese regering versoek om te help om dit terug te kry.
-
Vlag van Brits-Uganda, 1914–1962 -
Standaard van die Goewerneur van Brits-Uganda, 1914–1962 -
Vlag van Brits-Uganda, Maart tot Oktober 1962
Ander vlae
-
Presidensiële standaard van Uganda
Verwysings
Eksterne skakels
| Wiki Commons bevat media in verband met Vlae van Uganda. |
- (en) Uganda by Flags of the World.
- (en) "Flag of Uganda". Encyclopædia Britannica. Besoek op 15 Mei 2019.
| Hierdie artikel is in sy geheel of gedeeltelik vanuit die Nederlandse Wiki vertaal. |
This article uses material from the Wikipedia Afrikaans article Vlag van Uganda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.