Thomas Upington
Sir Thomas Upington (Mallow, Verenigde Koninkryk, 28 Oktober 1844 - Wynberg, 10 Desember 1898) was 'n regsleerde, staatsman en vierde eerste minister van die Kaapkolonie van 13 Mei 1884 tot 24 November 1886, die opvolger van sir Thomas Scanlen en voorganger van sir Gordon Sprigg, wie se tweede uit vier termyne tot 1890 sou duur.
| Thomas Upington | |
 Sir Thomas Upington (Het Volksblad, 1883) | |
Eerste Minister van die Kaapkolonie | |
| Ampstermyn 13 Mei 1884 – 24 November 1886 | |
| Voorafgegaan deur | Thomas Scanlen |
|---|---|
| Opgevolg deur | Gordon Sprigg |
Persoonlike besonderhede | |
| Gebore | 28 Oktober 1844 Mallow, Verenigde Koninkryk |
| Sterf | 10 Desember 1898 |
| Eggenoot/-note | Mary Elizabeth Guerin |
Hoewel Upington Katoliek was, is hy in 1861 tot die Trinity College in Dublin, Ierland, toegelaat. Hy word in 1867 advokaat en vertrek in 1874 na die Kaapkolonie. In 1878 word hy lid van die Kaapse Wetgewende Vergadering en minister van justisie in sir Gordon Sprigg se kabinet. In 1884 word hy eerste minister van die Kaapkolonie, maar bedank in 1886 ten gunste van Sprigg, hoewel hy aanbly as minister van justisie. Hy woon in 1887 die koloniale konferensie in Londen by en word geridder. In 1892 word hy aangestel as junior strafregter in die Kaapse hooggeregshof en word in 1896 nogmaals minister van justisie, weereens in Sprigg se kabinet, wat toe die derde maal eerste minister was. Hy sterf twee jaar later in Wynberg, naby Kaapstad.
Upington, die naasgrootste dorp in die Noord-Kaap, is in 1884 na hom vernoem nadat dit eers bekend gestaan het as Olijvenhoutsdrift, 'n sendingstasie wat in 1871 daar opgerig is.
Sy seun Beauclerk Upington was ook 'n bekende advokaat in Kaapstad.
Bronne
- Albertyn, C.F. dr. (hoofred.). 1972. Die Afrikaanse Kinderensiklopedie. Kaapstad: Nasou.
- Raper, P.E. 1987. Dictionary of South African Place Names. Johannesburg: Lowry Publishers.
 | Hierdie artikel omtrent ’n Suid-Afrikaanse politikus is ’n saadjie. Jy kan Wikipedia help deur dit uit te brei. |
| Voorafgegaan deur Andries Stockenström | Prokureur-generaal van die Kaapkolonie 1879–1884 | Opgevolg deur ? |
| Voorafgegaan deur Thomas Charles Scanlen | Eerste Minister van die Kaapkolonie 1884–1886 | Opgevolg deur Sir John Gordon Sprigg |
This article uses material from the Wikipedia Afrikaans article Thomas Upington, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.