Speltoetser
’n Speltoetser is sagteware wat die spelling van woorde in tekslêers nagaan en vergelyk met ’n ingeboude woordelys.
Dit kan ook voorstelle maak vir die korrekte spelling van woorde. Sommige kan op hul eie gebruik word vir ’n stuk teks, terwyl ander deel uitmaak van ’n groter program soos ’n woordverwerker, elektroniese woordeboek of soekenjin.
Werking
Speltoetsers vergelyk elke woord in ’n dokument met ’n ingeboude woordelys en merk woorde wat nie daarin voorkom nie. Die meeste moderne speltoetsers sal ook ’n alternatiewe spelling voorstel wat die gebruiker kan aanvaar of ignoreer, of die gebruiker kan self vakkundige terme, eiename, ensovoorts byvoeg wat daarna erken sal word.
Sommige programme kan selfs grammatikafoute uitwys of woorde binne konteks beskou. Sulke speltoetsers sal byvoorbeeld nie die woord "verassing" miskyk as dit "verrassing" moet wees omdat albei woorde in die woordelys voorkom nie, maar sal die woord binne konteks as ’n fout herken.
Die meeste speltoetsers kan verskeie woordeboeke gebruik, soos vir ander tale of spesifieke vakrigtings – of die gebruiker kan dit self opstel.
Eksterne skakels
Wikiwoordeboek het 'n inskrywing vir speltoetser.
This article uses material from the Wikipedia Afrikaans article Speltoetser, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.